മെട്രോമാന്‍ ഇ. ശ്രീധരന്‍റെ ബി.ജെ.പി പ്രവേശനം കേരളത്തിനകത്തും പുറത്തും ഏറെ ചർച്ചയായി കഴിഞ്ഞു. മെട്രോമാൻ്റെ പ്രഭാവം ബിജെപിക്ക് ഗുണം ചെയ്യുമെന്ന് തിരിച്ചറിഞ്ഞ സി പി എമ്മും കോൺഗ്രസും അങ്കലാപ്പിലാണ്. കോണ്‍ഗ്രസ് ജനറല്‍ സെക്രട്ടറി താരിഖ് അന്‍വറിൻ്റെ വാക്കുകൾ നൽകുന്ന സൂചനയും അതുതന്നെയാണ്. ശ്രീധരൻ്റെ ബിജെപിയിലേക്കുള്ള പ്രവേശനം തട്ടിപ്പാണെന്ന ആരോപണമാണ് താരിഖ് അന്‍വര്‍ ഉയർത്തുന്നത്.
Also Read:കോൺഗ്രസിൽ തുടരണമോ വേണ്ടയോ എന്ന് നിലപാട് വ്യക്തമാക്കി ധർമജൻ ബോൾഗാട്ടി
കേരളത്തില്‍ എല്‍.ഡി.എഫും യു.ഡി.എഫും തമ്മിലാണ് മത്സരം. ബിജെപിക്ക് വോട്ട് ചെയ്ത് ജനങ്ങൾ അവരുടെ വോട്ട് പാഴാക്കില്ല. ഇ. ശ്രീധരന്‍ മികച്ച സാങ്കേതിക വിദഗ്ധനാണ്. എന്നാല്‍ പൊതുജനങ്ങള്‍ക്കിടയില്‍ അദ്ദേഹം സ്വീകാര്യനല്ല. അതിനാല്‍ തന്നെ ശ്രീധരന്‍റെ ബി.ജെ.പി പ്രവേശനം രാഷ്ട്രീയമായി മാറ്റം കൊണ്ടുവരില്ലെന്നും വാര്‍ത്ത ഏജന്‍സിയായ പി.ടി.ഐക്ക് നല്‍കിയ അഭിമുഖത്തില്‍ അദ്ദേഹം പറഞ്ഞു.
തെരഞ്ഞെടുപ്പില്‍ യു.ഡി.എഫ് അധികാരത്തില്‍ വരും. തെരഞ്ഞെടുപ്പിലെ പ്രധാനവിഷയം എല്‍.ഡി.എഫ് സര്‍ക്കാറിന്‍റെ കഴിഞ്ഞ അഞ്ചുവര്‍ഷത്തെ അഴിമതിയും ഭരണപരാജയവുമായിരിക്കുമെന്ന് അദ്ദേഹം പറയുന്നു. കേരളത്തില്‍ കോണ്‍ഗ്രസിന്‍റെ തെരഞ്ഞെടുപ്പ് ചുമതലയുള്ള വ്യക്തിയാണ് താരിഖ് അന്‍വര്‍.
Post Your Comments