കല്‍പകഞ്ചേരി: ഒമ്പതാം ക്ലാസ് വിദ്യാര്‍ഥിനിയെ മയക്കുമരുന്നിന് അടിമയാക്കി പീഡിപ്പിച്ച സംഭവത്തിൽ രണ്ട് യുവാക്കൾ കൂടി അറസ്റ്റിൽ ആയിരിക്കുന്നു. ഒളിവിലായിരുന്ന വളവന്നൂര്‍ സ്വദേശികളായ കുണ്ടില്‍ മുഹമ്മദ് സാലിഫ് (22), കുണ്ടില്‍ മുഹമ്മദ് ഉബൈസ് (21) എന്നിവരെയാണ് കല്‍പകഞ്ചേരി പൊലീസ് കര്‍ണാടക അതിര്‍ത്തിയായ കുടകില്‍ നിന്ന് പിടികൂടിയിരിക്കുന്നത്.
കേസിൽ തുവ്വക്കാട് സ്വദേശി ചങ്ങണക്കാട്ടില്‍ മുഹമ്മദ് അഫ്‌ലഹ്, ഒഴൂര്‍ തലക്കട്ടൂര്‍ ചാന്നാട്ട് വീട്ടില്‍ മുഹമ്മദ് റാസിക് എന്നിവർ നേരത്തെ പിടിയിലായിരുന്നു. മയക്കുമരുന്നിന് അടിമയാക്കിയാണ് ഇവർ പെൺകുട്ടിയെ പീഡിപ്പിച്ചത്. പ്രതികളെ കോടതിയില്‍ ഹാജരാക്കി റിമാൻഡ് ചെയ്തിരിക്കുന്നു. ബാക്കി പ്രതികളെ ഉടന്‍ പിടികൂടുമെന്ന് പൊലീസ് അറിയിച്ചു.
Post Your Comments