പാചകവാതക വില വീണ്ടും ഉയർത്തി കേന്ദ്ര സർക്കാർ

ന്യൂഡല്‍ഹി: പാചകവാതക വില എണ്ണക്കമ്പനികള്‍ വീണ്ടും ഉയർത്തിയിരിക്കുന്നു. വീട്ടാവശ്യത്തിനുള്ള സിലിണ്ടറിന് 25 രൂപയാണ് ഉയർത്തിയിരിക്കുന്നത്. ഇതോടെ കൊച്ചിയില്‍ ഒരു സിലിണ്ടറിന്റെ വില 801 രൂപയായിരിക്കുന്നു. പുതിയ വില ഇന്ന് നിലവില്‍ വന്നിരിക്കുകയാണ്.

ഈ മാസം മൂന്നാം തവണയാണ് പാചകവാതക വില ഉയർത്തിയിരിക്കുന്നത്. ഫെബ്രുവരി 14ന് സിലിണ്ടറിന് 50 രൂപ കൂട്ടിയിരുന്നു. പാചകവാതകത്തിന് ഡിസംബറിന് ശേഷമുണ്ടാകുന്ന നാലാമത്തെ വര്‍ധനയാണിത്. ഡിസംബര്‍ ഒന്നിനും ഡിസംബര്‍ 16നും 50 രൂപ വീതം ഉയർത്തിയിരുന്നു.

ഈ മാസം ആദ്യം പാചകവാതക സിലിണ്ടറിന്റെ വില എണ്ണക്കമ്പനികള്‍ വര്‍ധിപ്പിച്ചിരുന്നു. സിലിണ്ടറിന് 25 രൂപയാണ് വര്‍ധിപ്പിച്ചത്.