ശ്രീനഗർ ഭീകരാക്രമണം; ഭീകരനെ തിരിച്ചറിഞ്ഞു

ശ്രീനഗർ ഭീകരാക്രമണത്തിൽ പൊലീസുകാരനെ വെടിവച്ച ഭീകരനെ തിരിച്ചറിഞ്ഞു. ബാരാമുള്ള സ്വദേശി സാഖ്യൂബ് മൻസൂറാണ്പൊലീസുകാർക്ക്‌ നേരെ വെടിയുതിർത്തത്.

ശ്രീനഗറിലെ ബർസുല്ല മേഖലയിലെ ചായക്കടയിൽ വച്ചാണ് ഭീകരർ പൊലീസുകാർക്ക് നേരെ വെടിയുതിർത്തത്. കോൺസ്റ്റബിൾമാരായ സുഹൈൽ, മുഹമ്മദ് യൂസഫ് എന്നിവർക്കാണ് വെടിയേറ്റത്. ഇവരെ ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.

കഴിഞ്ഞ മൂന്ന് ദിവസത്തിനിടെ ശ്രീനഗറിലെ ഭക്ഷണ ശാലയിലുണ്ടാകുന്ന രണ്ടാമത്തെ ആക്രമണമാണിത്. സംഭവത്തിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്.