തനിയെ ബൈക്ക് നീങ്ങുന്നു, പ്രേതബാധയാണെന്ന് ചിലര്‍ ; ഭയപ്പെടുത്തുന്ന വീഡിയോ ദൃശ്യങ്ങള്‍ പുറത്ത്

പാര്‍ക്ക് ചെയ്തു വെച്ചിരിയ്ക്കുന്ന ബൈക്ക് തനിയെ നീങ്ങുന്ന ഒരു വീഡിയോയാണ് ഇപ്പോള്‍ സോഷ്യല്‍ മീഡിയയില്‍ പ്രചരിയ്ക്കുന്നത്. ട്വിറ്റര്‍ യൂസറായ അമ്പര്‍ സയ്യിദി എന്നയാളാണ് ഈ വീഡിയോ പങ്കുവെച്ചത്. മുപ്പത് സെക്കന്‍ഡ് മാത്രമുള്ള വീഡിയോയില്‍ പാര്‍ക്ക് ചെയ്തു വച്ചിരിയ്ക്കുന്ന ഒരു ബൈക്ക് തനിയെ മുന്നോട്ട് നീങ്ങുന്നതാണ് കാണാന്‍ സാധിയ്ക്കുന്നത്.

ഒരു ഇടുങ്ങിയ തെരുവില്‍ വീടിന് മുന്നിലായി പാര്‍ക്ക് ചെയ്തു വച്ചിരിയ്ക്കുന്ന രണ്ട് ബൈക്കുകളില്‍ ഒരു ബൈക്കാണ് തനിയെ നീങ്ങുന്നത്. ബൈക്ക് മുന്നോട്ട് പോയി വളഞ്ഞ ശേഷം ഒരു പ്രത്യേക പോയിന്റില്‍ നിന്ന് ചരിഞ്ഞ് താഴെ വീഴുന്നതാണ് കാണാന്‍ സാധിയ്ക്കുന്നത്. ഈ സമയം ആരെയും അവിടെ കാണുന്നുമില്ല. ക്യാമറയില്‍ പതിഞ്ഞില്ലായിരുന്നുവെങ്കില്‍ ഈ സംഭവം ആരും വിശ്വസിക്കില്ലായിരുന്നു എന്ന ക്യാപ്ഷനോടെയാണ് സയ്യിദി ഈ വീഡിയോ പങ്കുവച്ചിരിയ്ക്കുന്നത്.

कैमरे में कैद हो गया वरना कोई यकीन नहीं करता pic.twitter.com/ebHGTeSQJK

— Amber Zaidi (@Amberological) February 2, 2021

ഇത് എവിടെ നിന്നുള്ള വീഡിയോ ആണെന്ന് വ്യക്തമല്ല. ഏതോ അജ്ഞാത ശക്തിയാണെന്നും പ്രേതബാധയാണെന്നുമൊക്കെ ചിലര്‍ പറയുന്നു. തട്ടിപ്പാണെന്നും കൃത്രിമവീഡിയോ ആണെന്നുമാണ് മറ്റ് ചിലര്‍ പ്രതികരിയ്ക്കുന്നത്. കാറ്റിന്റെ ശക്തിയിലാകാം ബൈക്ക് മുന്നോട്ട് നീങ്ങിയതെന്നും ചിലര്‍ പറയുന്നുണ്ട്.