ഉപേക്ഷിക്കപ്പെട്ട നവജാതശിശു മരിച്ച സംഭവം; എട്ടു പേരുടെ രക്ത സാംപിളുകള്‍ ശേഖരിച്ചു

കൊല്ലം: കല്ലുവാതുക്കലിൽ ഉപേക്ഷിക്കപ്പെട്ട നവജാതശിശു മരിച്ച സംഭവത്തിൽ പ്രദേശവാസികളായ എട്ടു പേരുടെ രക്ത സാംപിളുകള്‍ അന്വേഷണസംഘം ശേഖരിച്ചിരിക്കുന്നു. ഡിഎന്‍എ പരിശോധനാ ഫലം വേഗത്തില്‍ ലഭിക്കാനും അപേക്ഷ നൽകിയിരിക്കുകയാണ്. ഈ മാസം അഞ്ചാം തീയതി പുലര്‍ച്ചയാണ് കല്ലുവാതുക്കല്‍ നടക്കൽ ഊഴായിക്കോട് ക്ഷേത്രത്തിന് സമീപമുള്ള വീടിന്റെ പറമ്പില്‍ നിന്നു ചോര കുഞ്ഞിനെ ഉപേക്ഷിച്ച നിലയിൽ കണ്ടെത്തുകയുണ്ടായത്. തുടർന്ന് കുഞ്ഞിനെ പാരിപ്പള്ളി മെഡിക്കല്‍ കോളജ് ആശുപത്രിയിലും പിന്നീട് തിരുവനന്തപുരം എസ്എടി ആശുപത്രിയിലും എത്തിച്ചെങ്കിലും കുഞ്ഞ് മരിച്ചു.