പറവൂര്‍: പുത്തന്‍വേലിക്കരയില്‍ വീടുകയറി ആക്രമണം ഉണ്ടായിരിക്കുന്നു. സംഭവത്തില്‍ നാല് യുവാക്കള്‍ അറസ്റ്റിൽ ആയിരിക്കുന്നു. തുരുത്തൂര്‍ ഉല്ലാസ്നഗര്‍ കൈതത്തറ ആഷിക് (23), അറപ്പാട്ട് ശ്രീഹരി (20), എട്ട്യാതിപറമ്ബില്‍ ഗോകുല്‍ കൃഷ്ണ (19), വെസ്റ്റ് വെമ്ബല്ലൂര്‍ എസ്.എന്‍പുരം തായാട്ടുപറമ്ബില്‍ അതുല്‍കൃഷ്ണ (19) എന്നിവരാണ് പിടിയിലായത്.
തുരുത്തൂര്‍ ഉല്ലാസ്നഗര്‍ കൈതത്തറ ഔസോ സഞ്ജുവിന്റെ വീട്ടില്‍ തിങ്കളാഴ്ച രാത്രി പത്തരയോടെ മാരകായുധങ്ങളുമായി അതിക്രമിച്ചു കയറിയാണ് ഇവര്‍ ആക്രമണം നടത്തിയിരിക്കുന്നത്. വീട്ടമ്മയെയടക്കം മൂന്നുപേരെ മര്‍ദിച്ച്‌ പരിക്കേൽപ്പിക്കുകയും വീട്ടുപകരണങ്ങള്‍ നശിപ്പിക്കുകയും ചെയ്തിരുന്നു. മുന്‍വൈരാഗ്യമാണ് ആക്രമണത്തിന് കാരണമെന്ന് പൊലീസ് പറഞ്ഞു. സംഭവശേഷം ഒളിവില്‍ പോയ ഇവരെ പാലക്കാട് അഗളിയില്‍നിന്നാണ് പോലീസ് അറസ്റ്റ് ചെയ്തിരിക്കുന്നത്. നാല് പേരെയും കോടതിയില്‍ ഹാജരാക്കി റിമാന്‍ഡ് ചെയ്തു.
Post Your Comments