ഗോകുലം മൂവീസിൻ്റെ ബാനറിൽ ശ്രീ ഗോകുലം ഗോപാലൻ നിർമ്മിക്കുന്ന പുതിയ ചിത്രമാണ് ലിക്കർ ഐലൻ്റ് . നവാഗതനായ ഈസാറസൂൽ ഈ ചിത്രം തിരക്കഥ രചിച്ച് സംവിധാനം ചെയ്യുന്ന ചിത്രം ഇക്കഴിഞ്ഞ ജനുവരി പതിനാറ് ശനിയാഴ്ച്ച കൊച്ചിയിലെ വൈപ്പിനിൽ ചിത്രീകരണം ആരംഭിച്ചു.
ശ്രീ ഗോകുലം ഗോപാലൻ സ്വിച്ചോൺ കർമ്മം നിർവ്വഹിച്ചാണ് ചിത്രീകരണത്തിന് തുടക്കം കുറിച്ചത്. സുരാജ് വെഞ്ഞാറമൂട് ഫസ്റ്റ് ക്ലാപ്പും നൽകി.ഗോകുലം ഗോപാലൻ, സുരാജ് വെഞ്ഞാറമൂട്, കോ-.പ്രൊഡ്യൂസർ – കൃഷ്ണമൂർത്തി ,അതിഥി രവി.അൽഫോൻസ് ജോസഫ് സംവിധായകൻ ഈസാറസൂൽ എന്നിവർ ഭദ്രദീപം തെളിയിച്ചു.
രാജീവ് രവിക്കൊപ്പം പ്രവർത്തിച്ചു പോന്ന പ്രവർത്തന പാരമ്പര്യവുമായിട്ടാണ് ഈ സാറസൂൽ ലിക്കർ ഐലൻ്റ് എന്ന ചിത്രത്തിന് തുടക്കം കുറിച്ചിരിക്കുന്നത്.വളരെ കൗതുകകരമായ ഒരു നാമധേയത്തോടെയാണ് ഈ ചിത്രമെത്തുന്നത്. അതിലെ കൗതുകം തന്നെയാണ് ഈ ചിത്രത്തെ ഏറെ ആകർഷകമാക്കുന്നത്.
സുരാജ് വെഞ്ഞാറമൂടും റോഷൻ മാത്യുവുമാണ് ഈ ചിത്രത്തിലെ കേന്ദ്രകഥാപാത്രങ്ങളെ അവതരിപ്പിക്കുന്നത്.അതിഥി രവി, സനൂഷാ അനുമോൾ എന്നിവരും പ്രധാന വേഷങ്ങളിലെത്തുന്നു.സംഗീതം. അൽഫോൻസ് ജോസഫ്. അൻസാർ ഷാ ഛായാഗ്രഹണവും ബി.അജിത്കുമാർ എഡിറ്റിംഗും നിർവ്വഹിക്കുന്നു.
കലാസംവിധാനം.ജയൻ ക്രയോൺ.മേക്കപ്പ് -ജയൻ പൂങ്കുളം, കോസ്റ്റ്യുംറ്റ്യും – ഡിസൈൻ – ദീപ്തി. കോ- പ്രൊഡ്യൂസേർസ് -വി.സി.പ്രവീൺ, ബൈജു ഗോപാലൻ കൃഷ്ണമൂർത്തി.സുധാകർ ചെറുകുരു. പ്രൊഡക്ഷൻ എക്സിക്കുട്ടീവ് – അബിൻ എടവനക്കാട് .പ്രൊഡക്ഷൻ കൺട്രോളർ. ഷബീർ മലവെട്ടത്ത്.പ്രൊജക്ട് ഡിസൈനർ – സിദ്ദു പനയ്ക്കൽ.ചിത്രീകരണം പുരോഗമിക്കുന്ന ഈ ചിത്രം ഗോകുലം മൂവീസ് പ്രദർശനത്തിനെത്തിക്കുന്നു.
Post Your Comments