രാജ്യത്ത് കഴിഞ്ഞ 24 മണിക്കൂറിനിടയിൽ 13,823പേർക്ക് കോവിഡ്

ന്യൂഡ‍ൽഹി: രാജ്യത്ത് കൊറോണ വൈറസ് രോഗ വ്യാപനം കുറയുന്ന പ്രവണത തുടരുന്നു. ഇന്നലെ 13,823 പേർക്കാണ് കൊറോണ വൈറസ് ബാധ സ്ഥിരീകരിച്ചത്. ഇതോടെ ആകെ രോ​ഗബാധിതരുടെ എണ്ണം 1,05,95,660 ആയി ഉയർന്നതായി കേന്ദ്ര ആരോ​ഗ്യമന്ത്രാലയ കണക്കുകൾ വ്യക്തമാക്കുന്നു.

24 മണിക്കൂറിനിടെ 162 പേരാണ് വൈറസ് ബാധയെ തുടർന്ന് മരിച്ചത്. ഇതോടെ മരണസംഖ്യ 1,52,718 ആയി ഉയർന്നു. നിലവിൽ 1,97,201 പേരാണ് ചികിത്സയിലുള്ളതെന്ന് സർക്കാർ കണക്കുകൾ സൂചിപ്പിക്കുകയാണ്. ഇന്നലെ മാത്രം 16,988 പേരാണ് രോ​ഗമുക്തി നേടിയത്. ഇതോടെ രോ​ഗമുക്തി നേടിയവരുടെ ആകെ എണ്ണം 1,02,45,741 ആയി ഉയർന്നതായി സർക്കാർ കണക്കുകൾ പറയുന്നു.