റോഡിന് നടുവിൽ കിണർ കുത്താൻ ശ്രമം ; പ്രതിഷേധവുമായി നാട്ടുകാർ

വണ്ണപ്പുറം : പഞ്ചായത്ത് റോഡിന് നടുവിൽ കിണർ കുത്താനൊരുങ്ങിയ പ്രദേശവാസികളെ തടഞ്ഞു. വണ്ണപ്പുറം പഞ്ചായത്തിലെ ഒൻപതാം വാർഡ് ഗൾഫ് നഗറിനും ആനചാടി കുത്തിനുമിടയിൽ പഞ്ചായത്ത് റോഡിലാണ് സംഭവം. റോഡ് ഉപയോഗിച്ചിരുന്ന വീട്ടുകാർ ഇത് തടയുകയും പഞ്ചായത്തിൽ പരാതി നൽകുകയുമായിരുന്നു.

വണ്ണപ്പുറം പഞ്ചായത്തിലെ ഒൻപതാം വാർഡ് ഗൾഫ് നഗറിനും ആനചാടി കുത്തിനുമിടയിൽ പഞ്ചായത്തിന് നാട്ടുകാർ വിട്ടുനൽകിയ റോഡിലാണ് പ്രദേശവാസി കിണർ കുഴിക്കാൻ തുടങ്ങിയത്. പരാതിയെ തുടർന്ന് പഞ്ചായത്ത്‌ പ്രസിഡന്റിന്റെ നേതൃത്വത്തിൽ സ്ഥലത്തെത്തി പണി തടഞ്ഞു. റോഡിനുള്ള സ്ഥലം വിട്ടു കിണർ കുത്താനും നിർദ്ദേശം നൽകി.