അമിത് ഷായേയും ഹിന്ദു ദേവതകളേയും അപമാനിച്ചതിന് തെളിവില്ല; ഹാസ്യതാരം മുനവര്‍ ഫാറൂഖിന് പൊലീസ് പിന്തുണ?

ഹാ​സ്യ​പ​രി​പാ​ടി​ക്കി​ടെ ഹിന്ദു ദേവതകളെ അ​പ​മാ​നി​ച്ചെന്നാരോ​പി​ച്ച്‌​ അറസ്റ്റ് ചെയ്തതിന് പിന്നാലെ കേസിൽ തെളിവില്ലെന്ന് മ​ധ്യ​പ്ര​ദേ​ശ്​ പൊലീസ്. അറസ്റ്റുചെയ്ത് രണ്ട് ദിവസം കഴിഞ്ഞ ശേഷമാണ് താരങ്ങൾക്കെതിരെ തെളിവില്ലെന്ന് പൊലീസ് പറയുന്നത്.

ആ​ഭ്യ​ന്ത​ര​മ​ന്ത്രി അ​മി​ത് ​ഷാ​യെ പ​രി​ഹ​സി​ച്ച യു​വ​ക​ലാ​കാ​ര​നെ​യും സം​ഘ​ത്തെ​യും കഴിഞ്ഞ ദിവസമാണ് ഹിന്ദു ദേ​വീ​ദേ​വ​ന്മാ​രെ അപമാനിച്ചുവെന്നാരോപിച്ച് പൊലീസ് അറസ്റ്റ് ചെയ്തത്. എന്നാൽ, മുനവര്‍ ഫാറൂഖി ഹിന്ദു ദേവതകളെ അപമാനിക്കുന്നതിന് വിഡിയോ തെളിവില്ലെന്നാണ് പൊലീസ് ഭാഷ്യം. കഴിഞ്ഞ വെള്ളിയാഴ്ചയാണ് ഫാറൂഖി അറസ്റ്റിലായത്.

Also Read: പക്ഷിപ്പനിയെ സംസ്ഥാന ദുരന്തമായി പ്രഖ്യാപിച്ചു ; അതീവ ജാഗ്രത പുറപ്പെടുവിച്ചു

സാ​മൂ​ഹിക മാ​ധ്യ​മ​ങ്ങ​ളി​ല്‍ ല​ക്ഷ​ക്ക​ണ​ക്കി​നാ​ളു​ക​ള്‍ പി​ന്തു​ട​രു​ന്ന സ്​​റ്റാ​ന്‍​ഡ്​​​അ​പ്​ കൊ​മേ​ഡി​യ​നായ മു​ന​വ്വ​ര്‍ ഫാ​റൂ​ഖി​യെ ഇ​ന്ദോ​റി​ലെ ക​ഫേ​യി​ല്‍ പു​തു​വ​ര്‍​ഷ പ​രി​പാ​ടി അ​വ​ത​രി​പ്പി​ക്കു​ന്ന​തി​നി​ടെ ഹി​ന്ദു​ത്വ സം​ഘ​ട​ന പ്ര​വ​ര്‍​ത്ത​ക​ര്‍ ത​ട​ഞ്ഞ്​ മ​ര്‍​ദി​ച്ച്‌​ പോ​ലി​സി​ലേ​ല്‍​പ്പി​ക്കു​ക​യാ​യി​രു​ന്നു. ഇ​വ​രു​ടെ ജാ​മ്യാ​പേ​ക്ഷ ത​ള്ളി​യ കോ​ട​തി 13 വ​രെ ജു​ഡീ​ഷ്യ​ല്‍ ക​സ്​​റ്റ​ഡി​യി​ല്‍ വി​ട്ടു.

താരത്തിനെതിരെ പരാതിക്കാരൻ വീഡിയോ സഹിതമാണ് നൽകിയത്. എന്നാല്‍ ഹിന്ദു ദേവതകളെയോ കേന്ദ്രമന്ത്രി അമിത് ഷായെയോ അപമാനിച്ചതിന് ഫാറൂഖിക്കെതിരേ തെളിവുകളൊന്നുമില്ലെന്ന് പൊലീസ് പറഞ്ഞതായി ദേശീയ മാധ്യമങ്ങൾ റിപ്പോർട്ട് ചെയ്യുന്നു.