തൃശൂര്‍: പുതുരുത്തിയിലെ പൊന്തക്കാട്ടില്‍ നിന്ന് കഞ്ചാവ് ചെടിയും ചാരായവും കണ്ടെത്തിയിരിക്കുന്നു. ക്രിസ്മസ്, ന്യൂ ഇയര്‍ പ്രമാണിച്ച് വടക്കാഞ്ചേരി എക്സൈസ് സംഘം നടത്തിയ പരിശോധനയിലാണ് ചാരായം കണ്ടെത്തുകയുണ്ടായത്. സ്കൂട്ടറില്‍ കടത്താന്‍ ശ്രമിക്കുന്നതിനിടെ പതിനഞ്ചു ലിറ്റര്‍ ചാരായവും എക്സൈസ് പിടികൂടിയിരിക്കുന്നത്. പുതുരുത്തി സ്വദേശി സുധീഷിനെയാണ് ചാരായവുമായി പിടികൂടിയത്. സുധീഷിന്റെ മൊഴിപ്രകാരം നാനൂറു ലീറ്റര്‍ വാഷും വാറ്റുപകരണങ്ങളും എക്സൈസ് കണ്ടെത്തുകയുണ്ടായി.
ആഘോഷങ്ങള്‍ക്കായി ഓര്‍ഡര്‍പ്രകാരം ചാരായം നിര്‍മിച്ചു നല്‍കാറുണ്ടെന്ന് പ്രതി മൊഴി നല്‍കി. തുടർന്ന് ചാരായം നിര്‍മിച്ച ഒരാളെ കയ്യോടെ അറസ്റ്റ് ചെയ്യുകയുമുണ്ടായി. കഞ്ചാവ് ചെടി നട്ടയാളെ തിരിച്ചറിയാന്‍ അന്വേഷണം തുടരുകയാണ്. പുറംമ്പോക്ക് ഭൂമിയില്‍ നിന്നാണ് കഞ്ചാവ് ചെടി കിട്ടിയതെന്ന് എക്സൈസ് ഉദ്യോഗസ്ഥര്‍ അറിയിച്ചു . ഈ മേഖലയില്‍ ലഹരി ഉപയോഗം വ്യാപകമാണെന്ന് പരാതിയുണ്ട്.
Post Your Comments