കോഴിക്കോട് : ചെറുവണ്ണൂരില്‍ ആക്രിക്കടയില്‍ വന്‍ തീപിടിത്തം. കുണ്ടായിത്തോട് ശാരദ മന്ദിരത്തിന് സമീപത്തെ ആക്രിക്കടയ്ക്കാണ് തീപിടിച്ചത്. അഗ്‌നിശമന യൂണിറ്റുകള്‍ തീയണയ്ക്കാന്‍ ശ്രമിക്കുകയാണ്. ആളപായമില്ലെന്നാണ് സൂചന. അടുത്ത് വാഹന ഷോറൂമുകളുണ്ട്. ഇവിടേക്ക് തീ പടരാതിരിക്കാനുള്ള ശ്രമമാണ് ഇപ്പോള്‍ നടക്കുന്നത്. 20 യൂണിറ്റ് ഫയര്‍ഫോഴ്‌സ് സംഘം സംഭവ സ്ഥലത്ത് ഇപ്പോഴുണ്ട്.
അഞ്ച് മണിയോടെയാണ് തീപിടിത്തമുണ്ടായത്. ഷോര്‍ട്ട് സര്‍ക്യൂട്ടായിരിക്കാമെന്നാണ് പ്രാഥമിക നിഗമനം. ആക്രി സാധനങ്ങള്‍ക്ക് തീപിടിച്ചത് മൂലമുണ്ടായ കനത്ത പുക ഉയരുന്നതിനാല്‍ തീയണയ്ക്കാന്‍ ബുദ്ധിമുട്ട് നേരിടുന്നുണ്ട്. ഒരു ഭാഗത്ത് തീ അണയ്ക്കുമ്പോള്‍ മറുഭാഗത്ത് തീ ആളിപ്പടരുകയാണ്. തീ നിയന്ത്രണ വിധേയമായില്ലെങ്കില്‍ മറ്റ് ജില്ലകളില്‍ നിന്ന് അഗ്‌നിശമന യൂണിറ്റുകളെ വിളിച്ചു വരുത്തിയേക്കും. സമീപത്ത് തന്നെ പൊലീസ് സ്റ്റേഷന്‍ ഉണ്ടായിരുന്നതിനാല്‍ തീപിടിത്തം ഉണ്ടായ ഉടന്‍ തന്നെ അടിയന്തിര നടപടികള്‍ സ്വീകരിക്കുകയായിരുന്നു. തീപിടിത്തം ഉണ്ടായ ഉടന്‍ ആക്രിക്കടയ്ക്ക് സമീപത്തുണ്ടായിരുന്ന ഗ്യാസ് സിലിണ്ടറുകള്‍ എടുത്തു മാറ്റിയതിനാല്‍ വന്‍ ദുരന്തം ഒഴിവായി.
Post Your Comments