യുഎഇയില്‍ 1246 പേര്‍ക്ക് കൂടി കൊറോണ

അബുദാബി: യുഎഇയില്‍ 1246 പേര്‍ക്ക് കൂടി കൊറോണ വൈറസ് രോഗബാധ സ്ഥിരീകരിച്ചതായി ആരോഗ്യ – പ്രതിരോധ മന്ത്രാലയം അറിയിക്കുകയുണ്ടായി. ചികിത്സയിലായിരുന്ന 1533 പേര്‍ സുഖം പ്രാപിക്കുകയും ചെയ്തു. മൂന്ന് മരണങ്ങളാണ് പുതിയതായി റിപ്പോർട്ട് ചെയ്തിരിക്കുന്നത്.

കഴിഞ്ഞ 24 മണിക്കൂറിനിടെ 1,45,523 കൊറോണ വൈറസ് പരിശോധനകളാണ് യുഎഇയില്‍ നടന്നത്. രാജ്യത്ത് ഇതുവരെ കൊവിഡ് സ്ഥിരീകരിക്കപ്പെട്ടവരുടെ എണ്ണം 1,97,124 ആയി ഉയർന്നു. ഇവരില്‍ 1,72,984 പേരും രോഗമുക്തരായിട്ടുണ്ട്. 645 പേരാണ് മരണപ്പെട്ടത്. നിലവില്‍ 23,495 കൊവിഡ് രോഗികള്‍ യുഎഇയിലുണ്ട്. ഇതുവരെയുള്ള കണക്കുകള്‍ പ്രകാരം 1.97 കോടി കൊവിഡ് പരിശോധനകളാണ് രാജ്യത്ത് നടത്തിയിട്ടുള്ളത്.