ഒമാനില്‍ 184 പേര്‍ക്ക് കൂടി കൊവിഡ്; മൂന്ന് മരണം

മസ്‌കറ്റ്: ഒമാനില്‍ മൂന്നുപേര്‍ കൂടി കൊറോണ വൈറസ് രോഗം ബാധിച്ച് മരിച്ചതായി ആരോഗ്യ മന്ത്രാലയം ഇന്ന് അറിയിക്കുകയുണ്ടായി. 184 പേര്‍ക്ക് കൂടി പുതിയതായി കൊറോണ വൈറസ് രോഗം റിപ്പോർട്ട് ചെയ്തിരിക്കുന്നു. രാജ്യത്ത് ഇതുവരെ കൊവിഡ് സ്ഥിരീകരിക്കപ്പെട്ടവരുടെ എണ്ണം 127,019 ആയി ഉയർന്നു. ആകെ 1483 പേരാണ് കൊറോണ വൈറസ് രോഗം ബാധിച്ച് മരിച്ചിരിക്കുന്നത്. 273 പേര്‍ക്ക് കൂടി രോഗം ഭേദമായിട്ടുണ്ട്. ഇതുവരെ 119,009 പേരാണ് രോഗമുക്തരായത്.