‘പ്രിയ’ -പ്പെട്ട ഇടം പങ്കുവച്ചു കുഞ്ചാക്കോ ബോബൻ

മലയാളത്തിന്റെ ചോക്കളേറ്റ് ഹീറോയാണ് കുഞ്ചാക്കോ ബോബന്‍. സോഷ്യല്‍ മീഡിയയില്‍ സജീവമായ താരം പങ്കുവച്ച ചിത്രമാണ് ഇപ്പോൾ ആരാധകര്‍ക്കിടയിൽ ചർച്ച. പഴയ പ്രണയകാലത്തിലേക്കുള്ള താരത്തിന്റെ തിരിഞ്ഞുനോട്ടമാണ് ഈ ചിത്രം. ലിറ്റില്‍ ഫ്ലവര്‍ ബെതനി ഹോസ്റ്റലിന് മുന്നില്‍ നിന്ന് പകര്‍ത്തിയ ചിത്രമാണ് താരം പങ്കുവച്ചിരിക്കുന്നത്.

”കൗമാരത്തിലെ പ്രണയ വഴികളില്‍ ചുറ്റിയടിക്കുന്നു” എന്നാണ് ചിത്രത്തിന് ചാക്കോച്ചന്‍ നല്‍കിയിരിക്കുന്ന ക്യാപ്ഷന്‍. ഇതോടൊപ്പം ദാറ്റ് ‘പ്രിയ’ -പ്പെട്ട ഇടം എന്നും കുറിച്ചിട്ടുണ്ട്. ഹോസ്റ്റല്‍ കെട്ടിടത്തിന്റെ മതിലും ചാരി നില്‍ക്കുന്ന താരത്തെ ക്യാമറയിലാക്കിയതാകട്ടെ രമേഷ് പിഷാരടിയും.

https://www.instagram.com/p/CIxTS-RszfK/?utm_source=ig_embed

ചിത്രത്തിന് കമന്റുകള്‍ ആണ് ലഭിക്കുന്നത്. ‘അതായതു പ്രിയ ചേച്ചി ഇങ്ങളുടെ കയ്യില്‍ പെട്ട ഇടം’, ‘പഴയ ഓര്‍മ്മക്ക് മതില്‍ ചാടാന്‍ നിക്കല്, കമ്ബിയേല്‍ ഇരിക്കും’, ‘കള്ള കാമുകന്‍’ എന്നിങ്ങനെ നീളുന്നു കമന്റുകള്‍. ചാക്കോച്ചനെ ‘പൂവാലന്‍’ എന്നും ചിലർ വിളിക്കുന്നുണ്ട്.