സംസ്ഥാനത്ത് കനത്ത മഴയ്ക്ക് സാധ്യത; ഇടി മിന്നൽ മുന്നറിയിപ്പ് നൽകി കേന്ദ്ര കാലാവസ്ഥ വകുപ്പ്

തിരുവനന്തപുരം; നാളെ മുതൽ സംസ്ഥാനത്ത് കനത്ത മഴയ്ക്ക് സാധ്യതയുണ്ടെന്ന് മുന്നറിയിപ്പ് നൽകി കേന്ദ്ര കാലാവസ്ഥ വകുപ്പ് . കൂടാതെ ശക്തമായ ഇടി മിന്നൽ മുന്നറിയിപ്പും നൽകി.

ഇതിനെ തുടർന്ന് അതീവ ജാ​ഗ്രതാ നിർദേശമാണ് നൽകിയിരിയ്ക്കുന്നത്. നാളെ മുതൽ 18 വരെ കനത്ത മഴയ്ക്ക് സാധ്യതയെന്നാണ് മുന്നറിയിപ്പ് .

ഉച്ചക്ക് 2 മണി മുതൽ 10 മണിവരെയുള്ള സമയത്താണ് ഇടി മിന്നൽ രൂക്ഷമാകുക എന്നും റിപ്പോർട്ടിൽ വ്യക്തമാക്കുന്നു. കേരള തീരത്ത് മൽസ്യ ബന്ധനത്തിന് തടസ്സമില്ല.