നെഞ്ചുവേദനയെ തുടർന്ന് ബൂത്ത് ഏജൻറ്​ മരിച്ചു

തേഞ്ഞിപ്പലം: നെഞ്ചുവേദനയെ തുടർന്ന് ബൂത്ത് ഏജൻറ്​ മരിച്ചു. പോളിങ്​ നടക്കുന്നതിനിടെയാണ് കാലിക്കറ്റ് സർവകലാശാല കാമ്പസിന് സമീപം ചെനക്കൽ നെടുങ്ങോട്ട് മാട് കൈത്താലകത്തു വീട്ടിൽ അബൂബക്കറിന്റെ മകൻ അസൈൻ സാദിഖ് (35) മരിക്കുകയുണ്ടായത്. സ്വതന്ത്ര സ്ഥാനാർഥിയായ കണ്ണനാരി ബഷീറിന്റെ ബൂത്ത് ഏജൻറായി സേവനം ചെയ്യുന്നതിനിടെയാണ് സംഭവം ഉണ്ടായിരിക്കുന്നത്. ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.