ജോണ്‍ എബ്രഹാമിന്റെ ഗ്യാരേജിലേക്ക് പുതിയ അതിഥികള്‍

പുതിയ രണ്ട് അതിഥികള്‍ കൂടി ബോളിവുഡ് താരം ജോണ്‍ എബ്രഹാമിന്റെ ഗ്യാരേജിലേക്ക് എത്തിയിരിക്കുന്നു. ബിഎംഡബ്ല്യുവിന്റെ എസ് 1000 ആര്‍ആര്‍, ഹോണ്ട CBR1000RR-R ഫയര്‍ബ്ലേഡ് മോഡലുകളെയാണ് താരം സ്വന്തമാക്കിയത്. ജോണ്‍ എബ്രഹാം തന്റെ ഇന്‍സ്റ്റഗ്രാം പേജിലൂടെയാണ് ഈ വിവരം ആരാധകരെ അറിയിച്ചത്. ഇതോടൊപ്പം കവസാക്കി നിഞ്ച ZX-14R, അപ്രില RSV4-RF, യമഹ YFZ-R1, ഡ്യുക്കാട്ടി പാനിഗാലെ V4 തുടങ്ങിയ മോഡലുകളും അദ്ദേഹത്തിന്റെ ഗ്യാരേജിലുണ്ട്.

ബിഎംഡബ്ല്യു 2021 S 1000 R ഏതാനും ആഴ്ചകള്‍ക്ക് മുന്നെയാണ് ആഗോളതലത്തില്‍ എത്തുന്നത്. ഇന്ത്യയില്‍ ഇതിന്റെ വില ഏകദേശം 18.5 ലക്ഷം രൂപ മുതല്‍ 22.95 ലക്ഷം രൂപ വരെയാണ്. ബിഎംഡബ്ല്യു എസ് 1000 ആര്‍ആര്‍-ന് 999 സിസി ഇന്‍-ലൈന്‍ ഫോര്‍ സിലിണ്ടര്‍ വാട്ടര്‍/ ഓയില്‍ കൂള്‍ഡ് എഞ്ചിനാണ് കരുത്തേകുന്നത്.

ഏകദേശം 34 ലക്ഷം രൂപയാണ് ഹോണ്ടയുടെ പുതിയ CBR1000RR-R ഫയര്‍ബ്ലേഡിന് വിപണിയിലെ എക്സ്ഷോറും വില. ഹോണ്ട CBR1000RR-R ഫയര്‍ബ്ലേഡില്‍ 1000 സിസി ഫോര്‍ സിലിണ്ടര്‍ ഫോര്‍ സ്ട്രോക്ക് DOHC എഞ്ചിനാണ് കരുത്തേകുന്നത്. രാജ്യത്തുടനീളമുള്ള ബിഗ് വിംഗ് ഡീലര്‍ഷിപ്പുകള്‍ വഴിയാണ് CBU റൂട്ട് വഴി എത്തുന്ന ബൈക്കിന്റെ വില്‍പ്പന നടക്കുന്നത്.