കൊച്ചി: എറണാകുളത്ത് പരിശീലന പറക്കലിനിടെ നാവികസേനയുടെ ഗ്ലൈഡർ തകർന്നു വീണു. ഇന്ന് രാവിലെ ഏഴ് മണിയോടെയാണ് അപകടം ഉണ്ടായത്. രണ്ട് നാവികസേനാ ഉദ്യോഗസ്ഥർക്ക് അപകടത്തിൽ ഗുരുതരമായി പരിക്കേറ്റു. ഇവരെ ആശുപത്രിയിൽ പ്രവേശിപ്പിച്ചിരിക്കുകയാണ്.
എറണാകുളം തോപ്പുംപടി ബിഒടി പാലത്തിനടുത്തുള്ള നടപ്പാതയിലേക്കാണ് വിമാനം തകർന്നുവീണത്. അതേസമയം, അപകടകാരണം ഇതുവരെ വ്യക്തമല്ല. പൊലീസും, ഫയർഫോഴ്സും, നാവികസേന ഉദ്യോഗസ്ഥരുമെത്തി സംഭവ സ്ഥലത്തുനിന്ന് ഗ്ലൈഡർ നീക്കം ചെയ്തിട്ടുണ്ട്.
Post Your Comments