വാഹനാപകടത്തിൽ സ്കൂട്ടർ യാത്രക്കാരനായ ജവാൻ മരണപ്പെട്ടു

ചേലേരി: ചേലേരിയിൽ സ്‌കൂട്ടറും കാറും കൂട്ടിയിടിച്ച് സ്കൂട്ടർ യാത്രക്കാരനായ ജവാൻ മരണപ്പെട്ടു. ചേലേരി അമ്പലത്തിനു സമീപം താമസിക്കുന്ന കക്കോപുറം അനൂപ് (40) ആണ് മരിച്ചത്. ചേലേരി എ യു പി സ്കൂളിനു മുന്നിൽ വച്ച് ഇന്ന് ഉച്ചയ്ക്കാണ് അപകടം നടന്നത്. ഇദ്ദേഹം സഞ്ചരിച്ച സ്കൂട്ടറിൽ കൊളച്ചേരി മുക്ക് ഭാഗത്ത് നിന്ന് വന്ന കാർ ഇടിക്കുകയായിരുന്നു. തലയ്ക്ക് കാര്യമായ ക്ഷതമേറ്റ ഇദ്ദേഹത്തെ കണ്ണൂരിലെ ആശുപത്രിയിൽ എത്തിച്ചെങ്കിലും മരിക്കുകയായിരുന്നു. പങ്കജാക്ഷി ഉണ്ണികൃഷ്ണൻ ദമ്പതികളുടെ മകനാണ്.