കേന്ദ്രമന്ത്രിസഭയിൽ നിന്നുള്ള ഹർസിമ്രത്ത് കൗർ ബാദലിന്റെ രാജി പ്രസിഡന്റ് റാം നാഥ് കോവിന്ദ് സ്വീകരിച്ചു

ന്യൂ ഡൽഹി: കേന്ദ്ര മന്ത്രിസഭയിൽ നിന്ന് രാജിവച്ച ശിരോമണി അകാലിദൾ (എസ്എഡി) നേതാവ് ഹർസിമ്രത് കൗർ ബാദലിന്റെ രാജി പ്രസിഡന്റ് രാം നാഥ് കോവിന്ദ് സ്വീകരിച്ചു. പ്രധാനമന്ത്രിയുടെ ഉപദേശപ്രകാരം കാബിനറ്റ് മന്ത്രി ശ്രീ നരേന്ദ്ര സിംഗ് തോമറിനെ നിലവിലുള്ള വകുപ്പുകൾക്ക് പുറമേ ഭക്ഷ്യ സംസ്കരണ വ്യവസായ മന്ത്രാലയത്തിന്റെ ചുമതലയും ഏൽപ്പിക്കണമെന്ന് രാഷ്ട്രപതി നിർദ്ദേശിച്ചു.

Read also: 3 കോടി കടന്ന് കോവിഡ് ബാധിതർ; 10 ലക്ഷത്തോടടുത്ത് മരണ സംഖ്യ

ഭക്ഷ്യ- സംസ്കരണ വകുപ്പ് മന്ത്രിയായിരുന്ന ഹർസിമ്രത്ത് കാർഷിക ബില്ലുകൾ മുന്നോട്ട് കൊണ്ടുപോകാനുള്ള കേന്ദ്ര സർക്കാരിന്റെ നീക്കത്തിൽ പ്രതിഷേധിച്ചാണ് രാജിവച്ചത്. സഖ്യകക്ഷിയായ ബി.ജെ.പിയുടെ കാർഷിക ബില്ലിനുള്ള പ്രാഥമിക പിന്തുണ നൽകിയതിനെ തുടർന്ന് പഞ്ചാബിലെ കർഷകരിൽ നിന്ന് അകാലിദൾ വിമർശനം നേരിട്ടിരുന്നു.