മാസ്ക്, കയ്യുറ, സാനിറ്റൈസര്‍, സാമൂഹികഅകലം പാലിക്കുക ഇതൊക്കെയാണ് നിലവില്‍ കോവിഡ് പ്രതിരോധിക്കാന്‍ ആവശ്യമായ നടപടികള്‍. എന്നാൽ മാസ്ക് വയ്ക്കാന്‍ മടിയുള്ളവരും മാസ്ക് കഴുത്തിലേയ്ക്ക് വലിച്ചു താഴ്ത്തി ഇടുന്നവരെയും ഒന്ന് ചിന്തിപ്പിക്കുകയും ഏറേ ചിരിപ്പിക്കുകയും ചെയ്യുന്ന ഒരു വീഡിയോ ആണ് ഇപ്പോള്‍ സമൂഹ മാധ്യമങ്ങളില്‍ വൈറലാകുന്നത്.
മാസ്ക് ശരിയായി ധരിക്കാതെ, കഴുത്തിലേയ്ക്ക് താഴ്ത്തി ഇട്ടിരിക്കുന്ന ഒരു യുവതിയെയും ഒരു അരയന്നത്തെയും (രാജഹംസം) ആണ് വീഡിയോയില്‍ കാണുന്നത്. അരയന്നത്തിന്റെ അടുത്തേയ്ക്ക് നീങ്ങിയ യുവതിയുടെ മാസ്ക് ശരിയായി ധരിപ്പിക്കുന്ന അരയന്നത്തെയാണ് പിന്നീട് കാണുന്നത്.
— -VÉNOM- (@anthonysarti11) September 10, 2020
യുവതിയെ പോലും ഞെട്ടിച്ച് പെട്ടെന്നാണ് അരയന്നം യുവതിയുടെ മാസ്കിലേയ്ക്ക് നീങ്ങിയതും ശരിയായി അവ ഇട്ടുകൊടുത്തതും. ട്വിറ്ററിലൂടെ പുറത്തിറങ്ങിയ വീഡിയോ ഇതിനോടകം 25 ലക്ഷത്തിലധികം പേരാണ് കണ്ടത്.
Post Your Comments