1000 മു​ത​ൽ 3000 ദി​ർ​ഹം വ​രെ ശ​മ്പ​ളം; കോവിഡ് ക‌ാലത്തും പത്തി വിടർത്തി ത​ട്ടി​പ്പ് സം​ഘങ്ങൾ

ദു​ബൈ: ദു​ബൈ​യി​ൽ ​ജോ​ലി വാ​ഗ്​​ദാ​നം ചെ​യ്​​ത്​ വ​ൻ ത​ട്ടി​പ്പ്​ ന​ട​ത്തി​യ സം​ഘ​ത്തെ ദു​ബൈ പൊ​ലീ​സ്​ അ​റ​സ്​​റ്റ്​ ചെ​യ്​​തു. കോ​വി​ഡ്​ കാ​ല​ത്ത്​ ജോ​ലി ന​ഷ്​​ട​പ്പെ​ട്ട​വ​രെ ല​ക്ഷ്യ​മി​ട്ട് തട്ടിപ്പ് നടത്തിയ സംഘമാണ് അറസ്റ്റിലായത്. 150 ഓ​ളം പേ​രെ സം​ഘം തട്ടിപ്പിനിരയാക്കിയതായി ദു​ബൈ പൊ​ലീ​സ്​ സി.​ഐ.​ഡി വി​ഭാ​ഗം ഡ​യ​റ​ക്​​ട​ർ ജ​മാ​ൽ സാ​ലിം അ​ൽ ജ​ല​ഫ്​ പ​റ​ഞ്ഞു.​

സ​മൂ​ഹ മാ​ധ്യ​മ​ങ്ങ​ളി​ൽ വ്യാ​ജ റി​​ക്രൂ​ട്ട്​​മെൻറ്​ ഏ​ജ​ൻ​സി​ക​ളു​ടെ പേ​രി​ൽ പ​ര​സ്യം ന​ൽ​കി​യാ​ണ്​ ഉ​ദ്യോ​ഗാ​ർ​ഥി​ക​ളെ ഇവർ ആ​ക​ർ​ഷി​ച്ച​ത്. മി​ക​ച്ച സ്​​ഥാ​പ​ന​ത്തി​ൽ ജോ​ലി​യും ശ​മ്പ​ള​വു​മാ​യി​രു​ന്നു ഇ​വ​രു​ടെ വാ​ഗ്​​ദാ​നം. കോ​വി​ഡ്​ കാ​ല​ത്ത്​ ജോ​ലി​ക്കാ​യി അ​ല​യു​ന്ന​വ​രാ​ണ്​ ത​ട്ടി​പ്പി​നി​ര​യാ​യ​വ​രി​ൽ കൂ​ടു​ത​ലും.

അ​ഭി​മു​ഖം, ബു​ക്കി​ങ്, റി​ക്രൂ​ട്ട്​​മെൻറ്, നി​കു​തി എ​ന്നി​വ​ക്ക്​ ഫീ​സ്​ ന​ൽ​ക​ണ​മെ​ന്ന്​ നി​ർ​ദേ​ശി​ച്ച്​ ഉ​ദ്യോ​ഗാ​ർ​ഥി​ക​ളി​ൽ നി​ന്ന്​ പ​ണം ത​ട്ടു​ന്ന​താ​യി​രു​ന്നു ഇ​വ​രു​ടെ രീ​തി. ഇ​ന്ത്യ​ക്കാ​ർ​ക്ക​ട​ക്കം പ​ണം ന​ഷ്​​ട​മാ​യി​ട്ടു​ണ്ടെ​ന്ന്​ സം​ശ​യ​മു​ണ്ട്. വ്യാ​ജ റി​ക്രൂ​ട്ട്​​മെൻറ്​ ഏ​ജ​ൻ​സി രൂ​പ​വ​ത്​​ക​രി​ച്ച്​ ത​ട്ടി​പ്പ്​ ന​ട​ക്കു​ന്ന​താ​യി ഇ​ക്കോ​ണ​മി​ക്​ ക്രൈം​സ്​ ക​ൺ​ട്രോ​ൾ വി​ഭാ​ഗ​ത്തി​ന്​ വി​വ​രം ല​ഭി​ച്ച​തോ​ടെ​യാ​ണ്​ അ​ന്വേ​ഷ​ണം തു​ട​ങ്ങി​യ​ത്. 1000 മു​ത​ൽ 3000 ദി​ർ​ഹം വ​രെ ശ​മ്പ​ളം ന​ൽ​കാ​മെ​ന്ന്​ പ​ര​സ്യ​ത്തി​ൽ വാ​ഗ്​​ദാ​ന​മു​ണ്ടാ​യി​രു​ന്നു​വെ​ന്ന്​ ഇ​ക്കോ​ണ​മി​ക്​ ​ ക്രൈം​സ്​ ക​​ൺ​ട്രോ​ൾ വി​ഭാ​ഗം ഡ​യ​റ​ക്​​ട​ർ സ​ലാ ജു​മാ ബൂ​സ​യ്​​ബ പ​റ​ഞ്ഞു.