ന്യൂദല്‍ഹി: സംസാരിക്കാനും അഭിപ്രായം രേഖപ്പെടുത്താനുള്ള അവകാശം എന്നത് രാജ്യദ്രോഹത്തിലേക്ക് കടക്കുന്നത് അനുവദിക്കാനാകില്ലെന്ന് അലഹബാദ് ഹൈക്കോടതി. പ്രധാനമന്ത്രി നരേന്ദ്ര മോദി, യുപി മുഖ്യമന്ത്രി യോഗി ആദിത്യനാഥ് എന്നിവര്‍ക്കെതിരേ വളരെ അപകീര്‍ത്തികരമായ തരത്തില്‍ സോഷ്യല്‍ മീഡിയയില്‍ കുപ്രചാരണം നടത്തിയ ഡോക്ടര്‍ക്കെതിരായി രാജ്യദ്രോഹ കുറ്റം ചുമത്തി രജിസ്റ്റര്‍ ചെയ്ത എഫ്‌ഐആര്‍ റദ്ദാക്കില്ലെന്നും കോടതി ഉത്തരവിട്ടു.
2008 ലെ ഇന്‍ഫര്‍മേഷന്‍ ടെക്‌നോളജി (ഭേദഗതി) നിയമത്തിലെ സെക്ഷന്‍ 67, ഇന്ത്യന്‍ പീനല്‍ കോഡിലെ സെക്ഷന്‍ 153-എ, 153-ബി, 124-എ പ്രകാരമാണ് കേസ് രജിസ്റ്റര്‍ ചെയ്തിരിക്കുന്നത്.യുനാനി ലേഡി ഡോക്ടറും മെഡിക്കല്‍ ഓഫിസറുമായ ഇമ്രാന്‍ ഖാനെതിരേ രജിസ്റ്റര്‍ ചെയ്ത എഫ്‌ഐആര്‍ നിലനില്‍ക്കുമെന്നും കോടതി വ്യക്തമാക്കി.
മതങ്ങള്‍ക്കിടയില്‍ ശത്രുത, ശത്രുത, വിദ്വേഷം അല്ലെങ്കില്‍ മോശം ഇച്ഛാശക്തി എന്നിവ പ്രചരിപ്പിക്കുന്നതിനോ ഡോക്ടര്‍ ശ്രമിച്ചിട്ടില്ലെന്നും 2014 മുതല്‍ 2017 വരെ പോസ്റ്റുകള്‍ പങ്കിട്ടിട്ടുണ്ടെന്നും 2017 ന് ശേഷം അവര്‍ പോസ്റ്റുകള്‍ പങ്കിടുന്നില്ലെന്നും പ്രതിക്കു വേണ്ടി ഹാജരായ അഭിഭാകന്‍ എന്‍.ഐ. ജാഫ്രി വാദിച്ചു. ഡോക്ടറുടെ പോസ്റ്റുകളില്‍ പറഞ്ഞിട്ടുള്ളതെല്ലാം സംസാരിക്കാനുള്ള സ്വാതന്ത്ര്യത്തിനുള്ള അവകാശമാണെന്ന് ജാഫ്രി വാദിച്ചു.
എന്നാല്‍, സര്‍ക്കാരിന്റെ നയങ്ങളെ വിമര്‍ശിക്കുന്നതിന്റെ പരിധിയും കഴിഞ്ഞു രാജ്യത്തെ ഭരണകൂടത്തേയും ജനാധിപത്യ സംവിധാനത്തേയും അവഹേളിക്കുന്ന തരത്തിലുള്ള പോസ്റ്റുകള്‍ അനുവദിക്കാനാന്‍ ആകില്ലെന്നും ജസ്റ്റിസുമാരായ രമേശ് സിന്‍ഹ, സമിത് ഗോപാല്‍ എന്നിവരടങ്ങിയ ബെഞ്ച് നിരീക്ഷിച്ചു. എഫ്‌ഐആര്‍ റദ്ദാക്കാന്‍ വിസമ്മതിക്കുകയാണെന്ന് കോടതി ഉത്തരവിടുകയും ചെയ്തു.
Post Your Comments