സ്വര്‍ണ വിലയിൽ വീണ്ടും ഇടിവ്

കൊച്ചി : സംസ്ഥാനത്ത് സ്വര്‍ണ വിലയിൽ വീണ്ടും ഇടിവ്. ചൊവാഴ്ച പവന് 320 രൂപ കുറഞ്ഞ് 38,240 രൂപയായി. 4780 രൂപയാണ് ഗ്രാമിന്റെ വില. രാജ്യാന്തര വിപണിയിൽ സ്വര്‍ണ വില വ്യാപാരത്തിൻെറ തുടക്കത്തിൽ ഉയര്‍ന്നു എങ്കിലും പിന്നീട് ഇടിഞ്ഞു . ഔൺസിന് 1,932 ഡോളറിലാണ് വ്യാപാരം. 2,000 ഡോളറിനുമുകളിലെത്തിയ വിലയാണ് രണ്ടാഴ്ചകൊണ്ട് ഈ നിലവാരത്തിലെത്തിയത്.

സംസ്ഥാനത്ത് ഇന്നലെ പവന് 320 രൂപ കുറഞ്ഞ് 38,560 രൂപയിലെത്തിയിരുന്നു. ഇതോടെ ഏറ്റവും ഉയര്‍ന്ന നിലവാരമായ 42,000 രൂപയില്‍നിന്ന് 3,760 രൂപയുടെ കുറവാണ് രണ്ടാഴ്ചകൊണ്ടുണ്ടായത്.

കോവിഡ് വാക്‌സിന്‍ വിപണിയിലെത്തിക്കുന്നതിനുള്ള ശ്രമം ഊര്‍ജിതമായി തുടരുന്നതും നിക്ഷപകർ ലാഭമെടുത്ത് പിന്മാറുന്നതുമാണ് സ്വര്‍ണവിലയെ ബാധിച്ചത്.