ലോകത്തിലെ ഏറ്റവും ഉയര്‍ന്ന റെയില്‍വേ പാലത്തിന്റെ നിര്‍മാണവുമായി ഇന്ത്യ ; നിര്‍മാണം ഉടനടി പൂര്‍ത്തിയാക്കും

ദില്ലി: ലോകത്തിലെ ഏറ്റവും ഉയര്‍ന്ന റെയില്‍വേ പാലത്തിന്റെ നിര്‍മാണവുമായി ഇന്ത്യ. ലോകത്തിലെ ഏറ്റവും ഉയര്‍ന്ന റെയില്‍വേ പാലമായ ഈഫല്‍ ടവറിനേക്കാള്‍ 35 മീറ്റര്‍ ഉയരത്തില്‍ ജമ്മു കശ്മീരിലെ റിയാസി ജില്ലയില്‍ പുതിയ റെയില്‍വേ പാലം വരുന്നു. ചെനാബ് നദിക്കരയില്‍ നിര്‍മിക്കുന്ന പാലം 2022 ഓഗസ്റ്റില്‍ പൂര്‍ത്തീകരിക്കാന്‍ സാധ്യതയുണ്ട്. ഈ പാലം കശ്മീര്‍ താഴ്വരയെ ജമ്മുവിലെയും രാജ്യത്തിന്റെ മറ്റു ഭാഗങ്ങളിലെയും കത്രയുമായി ബന്ധിപ്പിക്കും. കത്രയില്‍ നിന്ന് ശ്രീനഗറിലേക്കുള്ള യാത്രാ സമയം 5-6 മണിക്കൂര്‍ കുറയ്ക്കും.

ഭൂമിശാസ്ത്രം എത്രത്തോളം ബുദ്ധിമുട്ടാണ് എന്ന് ചോദിച്ചപ്പോള്‍ അത്തരം ഭൂപ്രദേശങ്ങളില്‍ പണിയുക എന്നത് എളുപ്പമുള്ള ജോലിയല്ല എന്നാല്‍ ഞങ്ങള്‍ക്ക് 2022 സമയപരിധി ഉണ്ടെന്ന് ഡെപ്യൂട്ടി ചീഫ് എഞ്ചിനീയര്‍ ആര്‍ ആര്‍ മാലിക് പറഞ്ഞു. വൈഷ്‌നോ ദേവി ദേവാലയത്തിന് പേരുകേട്ട ജമ്മു കശ്മീരിലെ റിയാസി ജില്ല ഏറ്റവും ഉയര്‍ന്ന റെയില്‍വേ ബ്രിഡ്ജ് പദ്ധതിയോടെ ടൂറിസത്തില്‍ വലിയ മുന്നേറ്റം നേടുമെന്ന് പ്രതീക്ഷിക്കുന്നു.

‘ഈ പാലത്തിന് ഒരു ഹെലിപാഡ് ഉണ്ട്. ദില്ലിയില്‍ നിന്നുള്ള ആളുകള്‍ക്ക് ചോപ്പര്‍ വഴി വരാം ഇത് പ്രാദേശിക തൊഴില്‍ സൃഷ്ടിക്കും. തിരക്കേറിയ പ്രവര്‍ത്തനം നടക്കും. ഇത് പ്രാദേശിക സമ്പദ്വ്യവസ്ഥയ്ക്കും കരുത്തേകും. ഇത് പൂര്‍ത്തിയാകുന്നതുവരെ എന്റെ ജില്ലകളിലെ ആളുകള്‍ കാത്തിരിക്കുകയാണ്’ റിയാസി ഡെപ്യൂട്ടി കമ്മീഷണര്‍ ഇന്ദു കന്‍വാള്‍ ചിബ് (കെഎഎസ്) പറഞ്ഞു, റെയില്‍ പാലത്തിന്റെ ആകെ നീളം 1.3 കിലോമീറ്റര്‍ ആണ്, ഇതിന് റിക്ടര്‍ സ്‌കെയിലില്‍ 7 ല്‍ കൂടുതല്‍ ഭൂകമ്പത്തെ നേരിടാന്‍ കഴിയും.

ഉദങ്കൂര്‍-ശ്രീനഗര്‍-ബാരാമുള്ള റെയില്‍ ലിങ്ക് (യുഎസ്ബിആര്‍എല്‍) പദ്ധതിയുടെ ഭാഗമായ കൊങ്കണ്‍ റെയില്‍വേ കോര്‍പ്പറേഷന്‍ ലിമിറ്റഡാണ് ഈ പദ്ധതി വികസിപ്പിക്കുന്നത്. ഉധമപൂര്‍-കത്ര (25 കിലോമീറ്റര്‍) വിഭാഗം, ബനിഹാല്‍-ക്വാസിഗണ്ട് (18 കിലോമീറ്റര്‍) വിഭാഗം, ക്വാസിഗണ്ട്-ബാരാമുള്ള (118 കിലോമീറ്റര്‍) വിഭാഗം ഇതിനകം കമ്മീഷന്‍ ചെയ്തു.