കോവിഡ് ഭയം; വയോധികന്റെ മൃതദേഹം ബസ് സ്റ്റാൻഡിൽ അനാഥമായി കിടന്നത് മണിക്കൂറുകൾ

പാലക്കാട് : പാലക്കാട് കൊടുവായൂർ ബസ് സ്റ്റാന്റിൽ മരിച്ച നിലയിൽ കണ്ടെത്തിയ വയോധികന്റെ മൃതദേഹം അനാഥമായി കിടന്നത് മണിക്കൂറുകൾ . ഏഴു മണിയോടെമരിച്ച നിലയിൽ സിറാജുദ്ദീന്റെ മൃതദേഹം രണ്ട് മണിക്കൂറിലേറെയാണ് ബസ് സ്റ്റാൻഡിൽ കിടന്നത്. മോർച്ചറിയിലേക്ക് മാറ്റാൻ പോലീസും ആരോഗ്യ വകുപ്പും പോലും തയ്യറായില്ല

കൊവിഡ് പശ്ചാത്തലത്തിലുള്ള ഭയം മൂലമാണ് നാട്ടുകാർ പൊലീസിനെ വിവരമറിയിച്ചത്. ആരോഗ്യവകുപ്പിനെ അറിയിക്കാൻ ആവശ്യപ്പെട്ട് പൊലീസും ജീവനക്കാരില്ലെന്ന് പറഞ്ഞ് ആരോഗ്യപ്രവർത്തകരും കയ്യൊഴിയുകയായിരുന്നു. സംഭവം വാർത്തയായതിന് പിന്നാലെയാണ് സ്ഥലത്തെത്താൻ പൊലീസ് തയ്യാറായത്. തുടർന്ന് രാത്രി പത്തരയോടെയാണ് മൃതദേഹം പാലക്കാട് ജില്ലാ ആശുപത്രിയിലെ മോർച്ചറിയിലേക്ക് മാറ്റുകയായിരുന്നു.