തിരൂരങ്ങാടി: കെ.എസ്.ആര്‍.ടി.സി ബസും കാറും കൂട്ടിയിടിച്ച്, ഒരു കുടുംബത്തിലെ നാല് പേർക്ക് പരിക്കേറ്റു. ദേശീയപാത കക്കാട് കരിമ്പിൽ ചൊവ്വാഴ്ച വൈകിട്ട് നാലിനുണ്ടായ അപകടത്തിൽ കാര്‍ യാത്രക്കാരായ വയനാട് കമ്ബളക്കാട് സ്വദേശി പടിക്കല്‍കണ്ടി നാസര്‍ (48), ഭാര്യ നര്‍ഷ (38), മകള്‍ റസാന (18), നാസറിന്റെ സഹോദരീപുത്രന്‍ അമീര്‍ അംജദ് (22) എന്നിവര്‍ക്കാണ് പരിക്കേറ്റത്. നാസറും കുടുംബവും മക്കളെ എന്‍ട്രന്‍സ് കോച്ചിങ്ങിന് ചേര്‍ക്കുന്നതിന് വയനാട് നിന്ന് കോട്ടക്കലിലേക്ക് പോകവേ കോഴിക്കോട് ഭാഗത്തേക്ക് പോകുന്ന കെ.എസ്.ആര്‍.ടി.സി ബസ് ഇടിക്കുകയായിരുന്നു. പരിക്കേറ്റവരെ തിരൂരങ്ങാടി സ്വകാര്യ ആശുപത്രിയില്‍ പ്രവേശിപ്പിച്ചു.
Post Your Comments