കോവിഡ് പശ്ചാത്തലത്തിൽ ഈ വർഷത്തെ രക്ഷാബന്ധന്‍ വ്യത്യസ്തമായ രീതിയില്‍ ആഘോഷിക്കാനൊരുങ്ങുകയാണ് റായ്ഗഢിലെ പൊലീസുകാര്‍. രക്ഷാബന്ധന്‍ ദിവസത്തില്‍ രാഖി കെട്ടിയാണ് ആഘോഷം നടത്താറ് എന്നാൽ ഇക്കുറി മാസ്‌കുകള്‍ നല്‍കി രക്ഷാബന്ധന്‍ ആഘോഷിക്കാനാണ് റായ്ഗഢിലെ പൊലീസുകാരുടെ തീരുമാനം.
തിങ്കളാഴ്ച രക്ഷാബന്ധന്‍ ദിനത്തില്‍ 14 ലക്ഷത്തോളം ഫെയ്‌സ് മാസ്‌കുകള്‍ റായ്ഗഢിലെ വിവിധ പൊലീസ് സ്റ്റേഷനുകളില്‍ നിന്നായി വിതരണം ചെയ്യുമെന്നാണ് ഇവര്‍ അറിയിക്കുന്നത്. രോഗത്തെ കുറിച്ച് പൊതുജനങ്ങള്‍ക്കിടെ കൂടുതല്‍ അവബോധം സൃഷ്ടിക്കുന്നതിനാണ് വ്യത്യസ്തമായ ആഘോഷമെന്ന് ഇവര്‍ പറയുന്നു.
‘ഇപ്പോഴും കൊവിഡിനെ കുറിച്ച് വ്യക്തമായ ധാരണയില്ലാത്ത ആളുകളുണ്ട്. മാര്‍ച്ച് മുതല്‍ തന്നെ നമ്മള്‍ വിവിധ ബോധവത്കരണ പരിപാടികള്‍ സംഘടിപ്പിച്ചുവരികയാണ്. അതിന്റെ ഒരു തുടര്‍ച്ചയെന്നോണമാണ് രക്ഷാബന്ധന്‍ ആഘോഷം ഇത്തരത്തിലാക്കാന്‍ തീരുമാനിച്ചിരിക്കുന്നത്…’ റായ്ഗഢ് പൊലീസ് മേധാവി സന്തോഷ് സിംഗ് പറയുന്നു.
Post Your Comments