നാഗര്‍കോവില്‍: പന്ത്രണ്ടുകാരിയെ ലൈംഗികമായി പീഡിപ്പിച്ച കേസില്‍ മുന്‍ നാഗര്‍കോവില്‍ എം.എല്‍.എ. എന്‍.എ. മുരുഗേശന്‍ അറസ്റ്റില്‍. പൊലീസ് കേസെടുത്തതിന് പിന്നാലെ ഒളിവില്‍പോയെ മുരുഗേശനെ തിരുനെല്‍വേലിയില്‍ നിന്നാണ് പിടികൂടിയത്. ഇതോടെ കുട്ടിയെ പീഡിപ്പിച്ച കേസില്‍ അറസ്റ്റിലായ പ്രതികളുടെ എണ്ണം അഞ്ചായി. സംഭവത്തില്‍ കുട്ടിയുടെ അമ്മയടക്കം നാല് പ്രതികളെ കഴിഞ്ഞദിവസമാണ് അറസ്റ്റ് ചെയ്തത്. ഇവര്‍ റിമാന്‍ഡിലാണ്.
അതേസമയം ജില്ല വിട്ട് യാത്രചെയ്യാന്‍ ഇ-പാസ് നിര്‍ബന്ധമാണെന്നിരിക്കെ മുരുഗേഷന്‍ എങ്ങനെ തിരുനെല്‍വേലിയിലേക്ക് കടന്നതെന്ന് പൊലീസ് അന്വേഷിക്കുന്നുണ്ട്. പാര്‍ട്ടിക്ക് അപമാനം വരുത്തിവെച്ചതിനും അതിന്റെ പ്രതിച്ഛായയ്ക്ക് കളങ്കം വരുത്തിയതിനും പോക്സോ കേസില്‍ പ്രതിയായ മുരുഗേശനെ എ.ഐ.എ.ഡി.എം.കെയുടെ പ്രാഥമിക അംഗത്വത്തില്‍ നിന്ന് നീക്കിയതായി എ.ഐ.എ.ഡി.എം.കെ കോര്‍ഡിനേറ്ററും ഉപമുഖ്യമന്ത്രിയുമായ ഒ പന്നീര്‍സെല്‍വവും സംയുക്ത കോര്‍ഡിനേറ്ററും മുഖ്യമന്ത്രിയുമായ എടപ്പടി കെ പളനിസ്വാമിയും പ്രസ്താവനയില്‍ പറഞ്ഞു.
ഇരുപതുകാരന്‍ കടത്തിക്കൊണ്ടുപോയ പെണ്‍കുട്ടിയെ പൊലീസ് മോചിപ്പിച്ചതോടെയാണ് മുന്‍ എം.എല്‍.എ. അടക്കമുള്ളവര്‍ കുട്ടിയെ പീഡിപ്പിച്ച വിവരം പുറത്തറിയുന്നത്. തിങ്കളാഴ്ച കന്നിയകുമാരി ജില്ലാ ശിശുക്ഷേമ സമിതി മുമ്പാകെ ഹാജരാക്കിയ പെണ്‍കുട്ടി തന്നെയാണ് 2017 ല്‍ എ.ഐ.എ.ഡി.എം.കെ പുറത്താക്കിയ മുരുകേശനടക്കമുള്ളവര്‍ തന്നെ ലൈംഗികമായി പീഡിപ്പിച്ചെന്ന് മൊഴി നല്‍കിയത്.
കുട്ടിയുടെ വെളിപ്പെടുത്തലിന്റെ അടിസ്ഥാനത്തില്‍ ജില്ലാ ശിശുസംരക്ഷണ യൂണിറ്റ് നാഗര്‍കോയില്‍ എല്ലാ വനിതാ പോലീസിനും പരാതി നല്‍കി. മുരുകേശനെതിരെ പോക്സോ (ലൈംഗിക കുറ്റകൃത്യങ്ങളില്‍ നിന്ന് കുട്ടികളെ സംരക്ഷിക്കുന്നതിനുള്ള നിയമം, 2012) പ്രകാരം പൊലീസ് കേസ് രജിസ്റ്റര്‍ ചെയ്യുകയായിരുന്നു.
Post Your Comments