കുവൈത്തില്‍ ഇന്ന് എഴുന്നൂറിലധികം രോഗബാധിതര്‍, രോഗമുക്തരായത് അഞ്ഞൂറിലധികം

ഇന്ന് മാത്രം കുവൈത്തില്‍ എഴുന്നൂറിലധികം കോവിഡ് ബാധിതര്‍. 742 പേര്‍ക്കാണ് ഇന്ന് രോഗം സ്ഥിരീകരിച്ചത്. ഇതോടെ ആകെ കോവിഡ് ബാധിതരുടെ എണ്ണം 41,033 ആയി. ഇന്ന് മാത്രം 3645 ടെസ്റ്റുകളാണ് ചെയ്തത്. അതേസമയം 4 മരണവും ഇന്ന് റിപ്പോര്‍ട്ട് ചെയ്യപ്പെട്ടിട്ടുണ്ട്. ഇതോടെ ആകെ മരണസംഖ്യ 334 ആയി. എന്നാല്‍ കോവിഡ് രോഗികള്‍ രോഗമുക്തരായി വരുന്നത് ഏറെ ആശ്വാസം നല്‍കുന്നു. ഇന്ന് 534 പേരാണ് രോഗമുക്തരായത്. ഇതുവരെ 32,304 പേര്‍ രോഗമുക്തരായിട്ടുണ്ട്.

ഇന്ന് രോഗബാധ സ്ഥിരീകരിച്ചവരില്‍ 385 പേരാണ് കുവൈത്ത് സ്വദേശികളാണ് ഉള്ളത്. ബാക്കി വരുന്ന 357 പേര്‍ വിദേശികളാണ്. അല്‍അഹമ്മദി ഏരിയയില്‍ ആണ് ഏറ്റവും കൂടുതല്‍ കേസുകള്‍ റിപ്പോര്‍ട്ട് ചെയ്യപ്പെട്ടിരിക്കുന്നത്. 240 കേസുകളാണ് ഇവിടെ റിപ്പോര്‍ട്ട് ചെയ്തിരിക്കുന്നത്. അല്‍ ഫര്‍വാനിയ ഏരിയയില്‍ 170, അല്‍ ജഹ്ര ഏരിയ 162, ഹവാല്ലി ഏരിയ 98, ക്യാപിറ്റല്‍ ഏരിയ 72 എന്നിങ്ങനെയാണ് ഇന്ന് റിപ്പോര്‍ട്ട് ചെയ്ത കേസുകള്‍. 8395 പേര്‍ ഇപ്പോള്‍ നിലവില്‍ കേസുകളാണ് ഉള്ളത്. ഇതില്‍ 165 കേസുകളാണ് ഇപ്പോള്‍ ഗുരുതരമായി നില്‍ക്കുന്നത്.