ഞാനിപ്പം ഹോസ്പിറ്റലിൽ കിടന്ന് മരിക്കും. ശ്വാസം കിട്ടുന്നില്ലെന്നു പറ: കോവിഡ് ബാധിച്ചു മരിച്ച എക്സൈസ് ജീവനക്കാരന് ചികിത്സ കിട്ടിയില്ലെന്ന് ബന്ധുക്കൾ, ഓഡിയോ പുറത്ത്

കണ്ണൂർ: കോവിഡ് ബാധിച്ചു മരിച്ച എക്സൈസ് ജീവനക്കാരൻ കെ.പി.സുനിലിന് മികച്ച ചികിത്സ ലഭിച്ചില്ലെന്ന് ബന്ധുക്കൾ. ഇക്കാര്യം ചൂണ്ടിക്കാട്ടി മുഖ്യമന്ത്രിക്ക് ഉൾപ്പെടെ പരാതി നൽകുമെന്ന് ബന്ധുക്കൾ അറിയിച്ചു. സുനിൽ മരിക്കുന്നതിന് 2 ദിവസം മുൻപ് സഹോദരനുമായി സംസാരിച്ചതിന്റെ ഓഡിയോയും ഇവർ പുറത്തുവിട്ടു. ‘ ഞാനിപ്പം ഇവടന്നു ചാവും. ഇവിടെ നോക്കാനും പറയാനും ആരുമില്ല. അച്ഛനോട് വേഗം വരാൻ പറ. ഞാനിപ്പം ഹോസ്പിറ്റലിൽ കിടന്ന് മരിക്കും. ശ്വാസം കിട്ടുന്നില്ലെന്നു പറ. ഇവിടന്ന് ആരും നോക്കുന്നില്ല.’ എന്നൊക്കെയാണ് ഓഡിയോയിലുള്ളത്.

Read also: ഞാനൊരു സിനിമ പിടിക്കാന്‍ പോകുവാടാ ആരാടാ തടയാന്‍ ; വെല്ലുവിളിച്ച് ലിജോ ജോസ് പെല്ലിശ്ശേരി

അതേസമയം, കണ്ണൂർ ഗവ.മെഡിക്കൽ കോളജിനെ ആസൂത്രിതമായി അപമാനിക്കാനുള്ള ശ്രമമാണ് നടക്കുന്നതെന്ന് ആശുപത്രി അധികൃതർ ആരോപിച്ചു. ആരോഗ്യസ്ഥിതി മോശമായിരുന്ന രോഗിക്ക് ന്യുമോണിയയും ബാധിച്ചിരുന്നുവെന്നും എട്ടു പേരടങ്ങുന്ന ഡോക്ടർമാരുടെ സംഘം എല്ലാ ശ്രമവും നടത്തിയെന്നും ഇവർ വിശദീകരിക്കുന്നു.