കോവിഡ് : യുഎഇയിൽ രണ്ടു പ്രവാസി മലയാളികൾ കൂടി മരണപ്പെട്ടു

അബുദാബി : : യുഎഇയിൽ രണ്ടു പ്രവാസി മലയാളികൾ കൂടി കോവിഡ് ബാധിച്ച് മരണപ്പെട്ടു. തിരുനാവായ കരക്കാട് സ്വദേശി മുഹമ്മദ് സാലിഖ് കളത്തിൽ(42) ദുബായിൽ മരിച്ചത്. ദുബായ് റാഷിദ് ആശുപത്രിയിൽ ഇന്ന് രാവിലെ ആയിരുന്നു അന്ത്യം. മൃതദേഹം ഇന്ന് ഉച്ചയ്ക്ക് ശേഷം ദുബായിൽ സംസ്കരിക്കും. പിതാവ്: മൊയ്തീൻ കുട്ടി. മാതാവ്: ഫാത്തിമ കടവത്ത്. ഭാര്യ: ഹബീബാബി ചിറയിൽ.

Also read :കുവൈറ്റിൽ കോവിഡ് വിമുക്തരുടെ എണ്ണം 30000കടന്നു

മലപ്പുറം തിരൂർ നിറമരുതൂർ മങ്ങാട് സ്വദേശി ഉമ്മർബാവ ഫുജൈറയിൽ കഴിഞ്ഞ ദിവസമാണ് മരിച്ചത്. പിആർഒ ആയി ജോലി ചെയ്യുകയായിരുന്നു. പിതാവ്: മുണ്ടേക്കാട്ട് വീട്ടിൽ മുഹമ്മദ് ബാവ ഹാജി. മാതാവ്: ആയിഷക്കുട്ടി: ഭാര്യ: റംലത്ത്. മക്കൾ:നസറുദ്ദീൻ (സൗദി), അബൂമത്ത് (ഫുജൈറ), മഖബൂൽ (ഷാർജ), മെഹ്റുന്നിസ. മരുമക്കൾ: ഷക്കീല ബാനു, അന്നത്ത്, ഫാരിഷ, ഉവൈസ്.

അതേസമയം യുഎഇയിൽ കോവിഡ് ബാധിച്ച് മരിച്ച മലയാളികളുടെ എണ്ണം 101 ആയി.. ദുബായിൽ 43 ഉം അബുദാബിയിൽ 39 ഉം മലയാളികളാണ് മരിച്ചത്. ഗൾഫിൽ രാജ്യങ്ങളിലായി ആകെ 248 മലയാളികളാണ് മരിച്ചത്.