ബ്രിട്ടിഷ് നടൻ ഇയൻ ഹോം അന്തരിച്ചു

ലണ്ടൻ : വിഖ്യാതനായ ബ്രിട്ടിഷ് നടൻ ഇയൻ ഹോം നിര്യാതനായി. 88 വയസ്സായിരുന്നു.ചാരിയറ്റ്സ് ഓഫ് ഫയർ, ദ് ലോഡ്സ് ഓഫ് ദ് റിങ്സ് എന്നിവയാണ് പ്രശസ്ത സിനിമകൾ.

1960കളിൽ സിനിമയിൽ സജീവമായ ഹോം, നാടകനടനായും പ്രതിഭ തെളിയിച്ചു. റോയൽ ഷേക്സ്പിയർ കമ്പനിയിലെ പ്രമുഖനായിരുന്നു. 1998ൽ കിങ് ലീയർ നാടകത്തിൽ ലീയർ രാജാവായി വേഷമിട്ടു ലോറൻസ് ഒലിവർ പുരസ്കാരം നേടി.

ബ്രിട്ടിഷ് അക്കാദമി പുരസ്കാരത്തിനു പുറമേ ചാരിയറ്റ്സ് ഓഫ് ഫയറിലെ (1982) അഭിനയത്തിനു മികച്ച സഹനടനുള്ള ഓസ്കർ നാമനിർദേശം ലഭിച്ചു.