കൊച്ചി: ഹോം-ഇന്‍സ്റ്റിറ്റിയൂഷന്‍ ക്വാറന്റൈന്‍ ഡ്യുട്ടി നോക്കിയിരുന്ന പൊലീസ് ഉദ്യോഗസ്ഥന് കോവിഡ് സ്ഥിരീകരിച്ചു. എറണാകുളം സ്വദേശിയായ കളമശ്ശേരിയിലെ സിവില്‍ പൊലീസ് ഓഫിസര്‍ക്കാണ് രോഗം സ്ഥിരീകരിച്ചത്. ഇദ്ദേഹത്തെ കളമശ്ശേരി കോവിഡ് സെന്ററിലേക്ക് മാറ്റി. ഈ മാസം 15 ന് ഇദ്ദേഹത്തിന് രോഗലക്ഷണം കണ്ടതിനെ തുടര്‍ന്ന് സ്രവപരിശോധന നടത്തിയപ്പോഴാണ് രോഗം സ്ഥിരീകരിച്ചത്.
ഇദ്ദേഹത്തിന് രോഗം സ്ഥിരീകരിച്ചതിനെ തുടര്‍ന്ന് ഇയാളോടൊപ്പം ജൂണ്‍ 13 ന് ഡ്യൂട്ടിയില്‍ ഉണ്ടായിരുന്ന ആറ് പൊലീസുകാരെ നിരീക്ഷണത്തിലേക്ക് മാറ്റും. കൂടാതെ കളമശ്ശേരി സ്റ്റേഷനില്‍ മുഴുവന്‍ പോലീസുകാര്‍ക്കും കോവിഡ് ടെസ്റ്റ് നടത്തും. എന്നാല്‍ ഇദ്ദേഹത്തിന് എവിടെ നിന്നാണ് രോഗം ബാധിച്ചതെന്ന് വ്യക്തമായിട്ടില്ല.
Post Your Comments