Jannah Theme License is not validated, Go to the theme options page to validate the license, You need a single license for each domain name.
KeralaLatest NewsNews

പ്രായപൂർത്തിയാകാത്ത ദളിത് വിദ്യാർത്ഥിനിയെ തൂങ്ങി മരിച്ച നിലയിൽ കണ്ടെത്തി

മകൾക്ക് സ്വന്തമായി ഫോൺ വാങ്ങി തരാൻ അവശ്യപ്പെട്ടിരുന്നതായും അതിന് സാധിച്ചില്ലെന്നും രക്ഷിതാക്കൾ പറഞ്ഞു

മലപ്പുറം: മലപ്പുറം തിരൂരങ്ങാടിയിൽ പ്രായപൂർത്തിയാകാത്ത ദളിത് വിദ്യാർത്ഥിനിയെ തൂങ്ങി മരിച്ച നിലയിൽ കണ്ടെത്തി. പന്താരങ്ങാടി ലക്ഷംവീട് കോളനിയിലെ അജ്ഞലിയാണ് മരിച്ചത്. ആത്മഹത്യയാണെന്നാണ് പൊലീസിന്റെ പ്രാഥമിക നിഗമനം. ഇൻക്വസ്റ്റ് നടപടികൾ ഇന്ന് പൂർത്തിയാകും.

ഇന്നലെ വൈകുന്നേരത്തോടെയാണ് പത്താം ക്ലാസ് വിദ്യാർഥിനിയായ അജ്ഞലിയെ വീടിന്റെ അടുക്കളയിൽ തൂങ്ങിമരിച്ച നിലയിൽ കണ്ടെത്തിയത്. രണ്ട് മൂത്ത സഹോദരിമാരോടൊപ്പം ടിവി കാണുകയായിരുന്ന അജ്ഞലി മുറിയിൽ നിന്നും ഇറങ്ങിപ്പോയി. സമയമേറെയായിട്ടും അനുജത്തി തിരിച്ചുവരാതിരുന്നതോടെ സഹോദരിമാർ നടത്തിയ തിരച്ചിലിലാണ് അജ്ഞലിയെ തൂങ്ങിമരിച്ച നിലയിൽ കണ്ടെത്തിയത്.

ALSO READ: ഇന്ത്യൻ പട്രോളിങ് സംഘം തിരികെ പോയെന്ന് മനസിലാക്കിയ ഉടൻ ചൈനീസ് പട്ടാളം ഇതേ പോയിന്റിലേക്ക് തിരികെ വന്നു; പിന്നീട് സംഭവിച്ചത്

ഓൺലൈൻ ക്ലാസുകൾ ശരിയായ വിധത്തിൽ മനസിലാക്കാൻ കഴിയാത്തതിന്റെ മനോവിഷമം മാത്രമാണ് അജ്ഞലിക്ക് ഉണ്ടായിരുന്നതെന്ന് ബന്ധുക്കൾ ആരോപിച്ചു. മകൾക്ക് സ്വന്തമായി ഫോൺ വാങ്ങി തരാൻ അവശ്യപ്പെട്ടിരുന്നതായും അതിന് സാധിച്ചില്ലെന്നും രക്ഷിതാക്കൾ പറഞ്ഞു. സംഭവത്തിൽ തിരൂരങ്ങാടി പൊലീസ് കേസെടുത്ത് അന്വേഷണം ആരംഭിച്ചു. മരണകാരണത്തെ സംബന്ധിച്ചും പൊലീസ് അന്വേഷിച്ചു വരികയാണ്.

shortlink

Related Articles

Post Your Comments

Related Articles


Back to top button