ഓടുന്ന ബൈക്കിന് പിന്നില്‍ നായയെ കെട്ടിയിട്ട് യുവാക്കളുടെ ക്രൂരത

ഔറംഗാബാദ് : ഓടുന്ന ബൈക്കിന്റെ പിന്നില്‍ നായയെ കെട്ടിയിട്ട് വലിച്ചിഴച്ച് യുവാക്കളുടെ ക്രൂരത.  മഹാരാഷ്ട്രയിലെ ഔറംഗാബാദിലാണ് സംഭവം നടന്നത്. രണ്ട് യുവാക്കള്‍ക്കെതിരെ സംഭവത്തിൽ കേസ് എടുക്കുകയും ചെയ്തു. ഓടുന്ന ബൈക്കിന്‍റെ പിന്നില്‍ കെട്ടി നായയെ വലിച്ച് കൊണ്ടു പോകുന്ന വീഡിയോ സാമൂഹ്യ മാധ്യമങ്ങളില്‍ വലിയ ചര്‍ച്ചയായി മാറിയിരുന്നു.

 

Guy dragging his dog on the road.
Bike no. MH 20 ** 9436 .
Video shot on : Shivaji Highschool Road, Aurangabad.
CAN ANYONE HELP IN FINDING OUT THE NUMBER ?@peta @AbadCityPolice pic.twitter.com/4tw1AsqhVe

— Mirchi Teja (@JaiswalTanmay) June 6, 2020

ബൈക്കിന് പിന്നില്‍ പോകുന്ന കാറില്‍ സ‌ഞ്ചിരിച്ചയാളാണ് വീഡിയോ എടുത്തിരിക്കുന്നത്. മൃഗങ്ങളോടുള്ള ക്രൂരത തടയുന്നതിനുള്ള നിയമപ്രകരമാണ് രണ്ട് യുവാക്കള്‍ക്കെതിരെ കേസെടുത്തതെന്ന് പൊലീസ് പറ‌ഞ്ഞു. മൃഗങ്ങളോടുള്ള ക്രൂരതയുടെ നിരവധി വാര്‍ത്തകളാണ് രാജ്യത്ത് ഇപ്പോള്‍ പുറത്ത് വരുന്നത്. സ്ഫോടകവസ്തു നിറച്ച ഭക്ഷ്യവസ്തു കഴിച്ച് ഹിമാചലിലെ ബിലാസ്പൂരിൽ ഗർഭിണിയായ പശു ചത്തിരുന്നു. ഗോതമ്പുണ്ടയിൽ സ്‌ഫോടക വസ്തു വച്ചാണ് പശുവിന് നൽകിയത്.

കേരളത്തിൽ ഗർഭിണിയായ ആന ചെരിഞ്ഞതിന് സമാനമായ സംഭവത്തിന്റെ ദൃശ്യങ്ങൾ സാമൂഹിക മാധ്യമങ്ങളിൽ പ്രചരിച്ചിരുന്നു.

Cruelty to Animals
Cruelty to Animals Act
dragging dog
dragging dog behind bike