എ​ട്ട് ആ​ശു​പ​ത്രി​ക​ളി​ൽ ചി​കി​ത്സ നി​ഷേ​ധിച്ചു : ആം​ബു​ല​ൻ​സി​ൽ ഗ​ർ​ഭി​ണിയ്ക്ക് ദാരുണാന്ത്യം 

ല​ക്നോ: എ​ട്ട് ആ​ശു​പ​ത്രി​ക​ളി​ൽ ചി​കി​ത്സ നി​ഷേ​ധിച്ചതോടെ  ഗ​ർ​ഭി​ണിയ്ക്ക് ദാരുണാന്ത്യം.ഉ​ത്ത​ർ​പ്ര​ദേ​ശ് അ​തി​ർ​ത്തി ന​ഗ​ര​മാ​യ ഗ്രേ​റ്റ​ർ നോ​യി​ഡ​യി​ലെ ആ​ശു​പ​ത്രി​ക്കു മു​ന്നി​ൽ നി​ർ​ത്തി​യി​ട്ട ആം​ബു​ല​ൻ​സി​നു​ള്ളി​ൽ  നീ​ലം എ​ന്ന 30 വ​യ​സു​കാ​രി​യാ​ണ് മരിച്ചത്.  വെ​ള്ളി​യാ​ഴ്ചയായിരുന്നു സംഭവം.  ര​ക്ത​സ​മ്മ​ർ​ദം ഉ​യ​രു​ക​യും ശ്വാ​സ​ത​ട​സം നേ​രി​ടു​ക​യും ചെ​യ്തതോടെ നീലത്തെ  ഭ​ർ​ത്താ​വ് വി​ജേ​ന്ദ​ർ സിം​ഗ് ഓ​ട്ടോ​റി​ക്ഷ​യി​ൽ സാ​ധാ​ര​ണ ചി​കി​ത്സ തേ​ടു​ന്ന ശി​വാ​ലി​ക് ആ​ശു​പ​ത്രി​യി​ലെ​ത്തി​ച്ചുവെങ്കിലും   ചി​കി​ത്സ ല​ഭി​ച്ചി​ല്ല. ഇ​വി​ടെ​നി​ന്ന് ആ​റ് ആ​ശു​പ​ത്രി​ക​ളി​ലേ​ക്ക് ഓ​ട്ടോ​റി​ക്ഷ​യി​ലും ര​ണ്ട് ആ​ശു​പ​ത്രി​ക​ളി​ലേ​ക്ക് ആം​ബു​ല​ൻ​സി​ലും പോ​യിട്ടും ചികിത്സ ലഭിക്കാതിരിക്കുകയും, 13 മ​ണി​ക്കൂ​റി​നു​ശേ​ഷം നീ​ലം ആം​ബു​ല​ൻ​സി​ൽ ദാരുണമായി മരണപ്പെടുകയുമായിരുന്നു.

Also read : രാ​ജി​വ​ച്ച എം​എ​ല്‍​എ​മാ​ർക്കെതിരെ രൂക്ഷ വിമർശനവുമായി ഹാ​ര്‍​ദി​ക് പ​ട്ടേ​ല്‍

ഇ​എ​സ്ഐ ഹോ​സ്പി​റ്റ​ൽ, സെ​ക്ട​ർ 30-ലെ ​ചൈ​ൽ​ഡ് പി​ജി​ഐ ഹോ​സ്പി​റ്റ​ൽ, ശാ​ർ​ദാ ഹോ​സ്പി​റ്റ​ൽ, ഗ്രേ​റ്റ​ർ നോ​യ്ഡ​യി​ലെ ഗ​വ​ണ്‍​മെ​ന്‍റ് ഇ​ൻ​സ്റ്റി​റ്റ്യൂ​ട്ട് ഓ​ഫ് മെ​ഡി​ക്ക​ൽ സ​യ​ൻ​സ​സ് തു​ട​ങ്ങി​യ​​യാ​ണ് ദമ്പതികൾ ​ആദ്യം  സ​മീ​പി​ച്ച​ത്.   ഇ​തി​നു​ശേ​ഷം നാ​ലു സ്വ​കാ​ര്യ ആ​ശു​പ​ത്രി​ക​ളിൽ കൂടി എത്തിയെങ്കിലും   കി​ട​ക്ക ഒ​ഴി​വി​ല്ലെ​ന്ന മ​റു​പ​ടി​യാ​ണു ല​ഭി​ച്ച​ത്. നോ​യി​ഡ​യി​ലെ ആ​ശു​പ​ത്രി കോ​വി​ഡ് പ​രി​ശോ​ധ​ന വേ​ണ​മെ​ന്നു​പ​റ​ഞ്ഞ് ത​ങ്ങ​ളി​ൽ​നി​ന്ന് 4500 രൂ​പ ഈ​ടാ​ക്കി, എ​ന്നാ​ൽ ബെ​ഡ്ഡു​ക​ൾ ഒ​ഴി​വി​ല്ലെ​ന്നു പ​റ​ഞ്ഞ് പി​ന്നീ​ട് തി​രി​ച്ച​യ​ച്ചുവെന്നും. 5800 രൂ​പ വാ​ട​ക ന​ൽ​കി​യാ​ണ് സ്വ​കാ​ര്യ ആം​ബു​ല​ൻ​സ് വാ​ട​ക​യ്ക്ക് എ​ടു​ത്ത​തെ​ന്നും യു​വ​തി​യു​ടെ ബ​ന്ധു​ക്ക​ൾ പ​റ​ഞ്ഞു.  സം​ഭ​വ​ത്തി​ൽ ഗൗ​തം​ബു​ദ്ധ് ന​ഗ​ർ ജി​ല്ലാ ഭ​ര​ണ​കൂ​ടം അ​ന്വേ​ഷ​ണം പ്ര​ഖ്യാ​പി​ച്ചു