ബൈക്കുകളിൽ പുത്തൻ സെമി ഓട്ടോമാറ്റിക് ഗിയർബോക്സ് ഉൾപ്പെടുത്താനുള്ള തയാറെടുപ്പിൽ ഹോണ്ട

ബൈക്കുകളിൽ പുത്തൻ സെമി ഓട്ടോമാറ്റിക് ഗിയർബോക്സ് ഉൾപ്പെടുത്താനൊരുങ്ങി ജാപ്പനീസ് ഇരുചക്ര വാഹന നിർമാതാക്കളായ ഹോണ്ട. ഇതിനായി പുതിയ പേറ്റന്റ് ആപ്ലിക്കേഷൻ നൽകാനുള്ള തയാറെടുപ്പിലാണ് കമ്പനി. നിലവിലുള്ള ഡിസിടി സാങ്കേതികവിദ്യയിൽ നിന്നും അല്ലെങ്കിൽ 1970 കളിൽ നിന്നുള്ള ഹോണ്ടമാറ്റിക് ട്രാൻസ്മിഷനിൽ നിന്നും വളരെ വ്യത്യസ്തമായ ഒരു സംവിധാനമായിമിരിക്കും ഇതെന്നാണ് റിപ്പോർട്ട്.

പഴയ ഹോണ്ടമാറ്റിക് സിസ്റ്റം ഒരു ടോർഖ് കൺവെർട്ടറും ടു സ്പീഡ് ഗിയർബോക്‌സും ആണ് ഉപയോഗിച്ചിരുന്നതെങ്കിൽ ഒരു സമഗ്ര ഡ്യുവൽ ക്ലച്ച് സജ്ജീകരണമാണ് ഡിസിടി. എന്നാൽ ഇതിൽ നിന്നും വ്യത്യസ്തമാണ് പുതിയ ഗിയർ‌ബോക്സ് സാങ്കേതികവിദ്യ ഒരു പരമ്പരാഗത ആറ് സ്പീഡ് ട്രാൻസ്മിഷനെ ജോഡിയാക്കുകയാണ് ചെയ്യുന്നത്. ബൈ-ഡയറക്ഷണൽ ക്വിക്ക് ഷിഫ്റ്ററും കമ്പ്യൂട്ടർ നിയന്ത്രിത സിസ്റ്റവും ഉപയോഗിച്ച് നിർത്തുമ്പോൾ ക്ലച്ച് ഒഴിവാക്കുകയും പ്രവർത്തനരഹിതമാക്കുകയുമാണ് ചെയ്യുന്നത്.

Also read : കോവിഡ് നിരീക്ഷണ കേന്ദ്രത്തിൽ നിന്നും രക്ഷപ്പെടാൻ ശ്രമിച്ച ദമ്പതികൾ പിടിയിൽ

ഗിയറുകൾ‌ മാറ്റുന്നതിന് ഒരു പരമ്പരാഗത കാൽ‌ ലിവർ‌ ബൈക്കിൽ കാണുമെങ്കിലും ക്ലച്ച് ലിവർ‌ ഉണ്ടായിരിക്കില്ല. സാധാരണ മോട്ടോർ സൈക്കിളിലേതു പോലെ മുകളിലേക്കും താഴേക്കുമുള്ള ഗിയർ മാറാൻ സാധിക്കുന്നതോടൊപ്പം കുറഞ്ഞ വേഗതയിൽ നഗര സാഹചര്യങ്ങളിൽ ക്ലച്ച് കൈകാര്യം ചെയ്യുന്നതിനുള്ള മടുപ്പ് ഇനി ഉണ്ടാവില്ല. ഹോണ്ട CB1100nൽ ആണ് കമ്പനി പേറ്റന്റിന് അപേക്ഷ നൽകിയതെങ്കിലും ഭാവിയിൽ കൂടുതൽ മോഡലുകളിൽ ഇത് പ്രതീക്ഷിക്കാം.