തിരുവനന്തപുരം: സംസ്ഥാനത്ത് വരുന്ന ഏതാനും മണിക്കൂറുകള്‍ക്കുള്ളില്‍ രണ്ട് ജില്ലകളില്‍ കനത്ത മഴ പെയ്യും . കനത്ത മഴയ്‌ക്കൊപ്പം അതിശക്തമായ കാറ്റും അതിതീവ്ര ഇടമിന്നലും ഉണ്ടാകും . ജനങ്ങളോട് കരുതിയിരിയ്ക്കാന്‍ നിര്‍ദേശം. തിരുവനന്തപുരം, കൊല്ലം ജില്ലകളിലാണ് ചിലയിടങ്ങളില്‍ ഇടിമിന്നലോട് കൂടിയ മഴയ്ക്ക് സാധ്യതയുള്ളത്. കേന്ദ്രകാലാവസ്ഥ നിരീക്ഷണ വകുപ്പാണ് മുന്നറിയിപ്പ് നല്‍കിയിരിക്കുന്നത്. മണിക്കൂറില്‍ 40 കിലോമീറ്റര്‍ വേഗതയില്‍ വരെ വീശിയടിക്കാവുന്ന കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ആലപ്പുഴ, എറണാകുളം, ഇടുക്കി ജില്ലകളില്‍ കാലാവസ്ഥ വകുപ്പ് യെല്ലോ അലര്‍ട്ട് പ്രഖ്യാപിച്ചിട്ടുണ്ട്. വെളളിയാഴ്ച കൊല്ലം, പത്തനംതിട്ട ,കോട്ടയം, ഇടുക്കി എന്നി ജില്ലകളിലും യെല്ലാ അലര്‍ട്ട് പ്രഖ്യാപിച്ചിട്ടുണ്ട്. ഒറ്റപ്പെട്ടയിടങ്ങളില്‍ 24 മണിക്കൂറില്‍ 64.5 മില്ലീമീറ്റര്‍ മുതല്‍ 115.5 മില്ലീമീറ്റര്‍ വരെ ശക്തമായ മഴ പെയ്യുമെന്നാണ് പ്രവചനം. .കേരളത്തില്‍ ഇപ്പോള്‍ ലഭിക്കുന്ന മഴയോടനുബന്ധിച്ച് ഉച്ചക്ക് 2 മണി മുതല്‍ രാത്രി 10 മണിവരെയുള്ള സമയത്താണ് ഇടിമിന്നലിനുള്ള സാധ്യതയുണ്ട്. ചില സമയങ്ങളില്‍ രാത്രി വൈകിയും ഇത് തുടര്‍ന്നേക്കാം.
Post Your Comments