കൊച്ചി: കോഴിപ്പോര് സിനിമയുടെ സംവിധായകരില്‍ ഒരാളായ ജിബിറ്റ് ജോര്‍ജ് ( 31) അന്തരിച്ചു . ഹൃദയാഘാതം മൂലമാണ് മരണം. അങ്കമാലി കിടങ്ങൂര്‍ കളത്തിപറമ്പില്‍ ജോര്‍ജിന്റെ മകന്‍ ആണ് ജിബിറ്റ്. ലോക്ഡൗണിന് ഒരാഴ്ച മുമ്പാണ് കോഴിപ്പോര് റിലീസ് ചെയ്തത്.
ഈ ചിത്രത്തില്‍ ജിബിറ്റ് അഭിനയിക്കുകയും ചെയ്തിട്ടുണ്ട്. ഇന്ന് രാവിലെ മുതല്‍ നെഞ്ചുവേദന അനുഭവപ്പെടാന്‍ തുടങ്ങിയിരുന്നുവെങ്കിലും ജിബിറ്റ് അത് കാര്യമായി എടുത്തിരുന്നില്ല. എന്നാല്‍ വൈകുന്നേരത്തോടെ രോഗം കലശലാകുകയും തുടര്‍ന്ന് മരണം സംഭവിക്കുകയുമായിരുന്നു.
ജിബിറ്റ്, ജിനോയ് ജനാര്‍ദ്ദനന്‍ എന്നിവര്‍ ചേര്‍ന്ന് ആദ്യമായി സംവിധാനം ചെയ്ത സിനിമയാണ് ‘കെട്ട്യോളാണെന്റെ മാലാഖ’ഫെയിം വീണ നന്ദകുമാര്‍ നായികയായി എത്തിയ ‘കോഴിപ്പോര്’.
2016ല്‍ പുറത്തിറങ്ങിയ ഫൈനല്‍ കവര്‍ എന്ന ഷോര്‍ട്ട് വീഡിയോയിലും അഭിനയിച്ചിട്ടുണ്ട്. മാതാവ്: ബെന്‍സി, സഹോദരി ജിബിന.
Post Your Comments