പാലക്കാട് : അന്യ സംസ്ഥാനങ്ങളിൽ നിന്നും കേരളത്തിലേക്ക് വരുന്ന മലയാളികള്‍ക്ക് പാസ് നല്‍കുന്നത് പുനരാരംഭിച്ചു. ചെക്ക്‌പോസ്റ്റുകളില്‍ തിരക്ക് വര്‍ധിച്ചതിനെ തുടര്‍ന്ന് പാസ് നല്‍കുന്നത് താത്കലികാമായി നിര്‍ത്തിവെച്ചിരുന്നു. ഇതാണ് ഇപ്പോൾ പുനരാരംഭിച്ചിരിക്കുന്നത്. റെഡ് സോണുകളില്‍നിന്ന് ഒഴികെ വരുന്നവര്‍ക്ക് എല്ലാവര്‍ക്കും പാസ് വിതരണം നടത്താനാണ് തീരുമാനം.
അതേസമയം, അതിര്‍ത്തികളില്‍ ഗര്‍ഭിണികളടക്കം നിരവധി മലയാളികളാണ് കുടുങ്ങി കിടക്കുന്നത്. ഇതിൽ സ്വന്തമായി വാഹനമില്ലാത്തവരാണ് പലരും. ഇതിനിടെ അതിര്‍ത്തിവരെ ഒരു വാഹനത്തിലും അവിടെ നിന്ന് കേരളത്തില്‍ ബന്ധുക്കളും മറ്റും ഏര്‍പ്പാടാക്കുന്ന വാഹനത്തിലും കയറ്റിവിടുന്ന ക്രമീകരണങ്ങളും നടത്തിവരുന്നുണ്ട്. എന്നാല്‍ സ്വന്തമായി വാഹനമില്ലാത്തവരും ടാക്‌സിക്ക് കൊടുക്കാന്‍ പണമില്ലാത്തവരും വലയുകയാണ്.
Post Your Comments