കണ്ണൂർ: മുഖ്യമന്ത്രി പിണറായി വിജയന്റെ പ്രതിദിന വാർത്താ സമ്മേളനത്തിനെതിരെ വിമർശനവുമായി എം.പി രാജ് മോഹൻ ഉണ്ണിത്താൻ. പ്രവാസികളെ നാട്ടിലെത്തിക്കണമെന്നാവശ്യപ്പെട്ട് കണ്ണൂർ വിമാനത്താവളത്തിനു മുന്നിൽ കോൺഗ്രസ് സംഘടിപ്പിച്ച ധർണ അഭിസംബോധന ചെയ്‌ത്‌ സംസാരിക്കുകയായിരുന്നു എം.പി. മെഗാ സീരിയലിലെ ആദ്യ നടി ആരോഗ്യ മന്ത്രിയായിരുന്നു. റേറ്റിങ് കൂടിയപ്പോൾ നടൻ എത്തിയെന്നും അദ്ദേഹം വ്യക്തമാക്കി.
പ്രവാസികളെ കൊണ്ടുവരാൻ കേന്ദ്രത്തോട് ആവശ്യപ്പെടുകയാണ് മുഖ്യമന്ത്രി ചെയ്യേണ്ടത്. ഏറ്റവും വലിയ മനുഷ്യാവകാശ ലംഘനമാണ് അദ്ദേഹം കാണിക്കുന്നത്. ഓണത്തിന് ഇടയിൽ പുട്ട് കച്ചവടം എന്ന പോലെ രോഗികളുടെ വിവരം ചോർത്തി കൊടുത്തു. പോലീസിന്റെ ആപ്പ് ചോർന്നത് എങ്ങനെ എന്ന് കണ്ടുപിടിക്കണമെന്നും രാജ് മോഹൻ ഉണ്ണിത്താൻ കൂട്ടിച്ചേർത്തു.
Post Your Comments