കൊല്ലത്ത് നിന്നും കാണാതായ യുവതിയെ കൊലപ്പെട‌ുത്തിയതായി സൂചന; കോഴിക്കോട് സ്വദേശിയായ യുവാവ് കസ്റ്റഡിയിൽ

കൊല്ലം : കൊട്ടിയത്ത് നിന്നും കാണാതായ ബ്യൂട്ടീഷ്യൻ ട്രെയിനറായ യുവതിയെ പാലക്കാട് വച്ച് കൊലപ്പെടുത്തിയെന്നു സൂചന. തൃക്കോവിൽവട്ടം മുഖത്തല നടുവിലക്കര സ്വദേശിനി സുചിത്ര(42) ആണ് കൊല്ലപ്പെട്ടത്. കൊലപ്പെടുത്തി കുഴിച്ചുമൂടിയതായാണ് വിവരം.
സംഭവവുമായി ബന്ധപ്പെട്ട് പാലക്കാട് വാടകയ്ക്ക് താമസിക്കുന്ന കോഴിക്കോട് സ്വദേശിയെ പൊലീസ് കസ്റ്റഡിയിലെടുത്തു. മാർച്ച് 17-ന് ആലപ്പുഴയിൽ ഭർത്തൃമാതാവിന് സുഖമില്ലെന്ന് പറഞ്ഞാണ് യുവതി കൊല്ലത്ത് നിന്നും പോയത്.

രണ്ടുദിവസം വീട്ടിലേക്ക് ഫോണിൽ ബന്ധപ്പെട്ടിരുന്നെങ്കിലും 20-നുശേഷം ഫോൺവിളി നിലച്ചു. തുടർന്ന് വീട്ടുകാർ കൊട്ടിയം പോലീസിൽ പരാതി നൽകി. മാർച്ച് 22-ന് കേസെടുത്ത് അന്വേഷണം നടത്തിയ പോലീസിന് കൊലപാതകത്തിലേക്ക് നയിച്ച നിർണായക തെളിവുകൾ ലഭിച്ചു. കൊട്ടിയത്തുനിന്ന്‌ ഉന്നത പൊലീസുദ്യോഗസ്ഥരുടെ നേതൃത്വത്തിൽ പോലീസ് സംഘം പാലക്കാട്ടേക്ക്‌ തിരിച്ചു.