ലോക്ക് ഡൗൺ : പി​എ​സ് സി ​നി​യ​മ​ന ഉ​ത്ത​ര​വ് ല​ഭിച്ച ഉദ്യോഗാർത്ഥികൾക്ക്, ജോ​ലി​യി​ൽ പ്ര​വേ​ശി​ക്കാനുള്ള ​ സ​മ​യ​പ​രി​ധി നീ​ട്ടി ന​ൽ​കി സ​ർ​ക്കാ​ർ

തി​രു​വ​ന​ന്ത​പു​രം: ലോക്ക് ഡൗൺ പ്രഖ്യാപിച്ചതിനാൽ പി​എ​സ് സി ​നി​യ​മ​ന ഉ​ത്ത​ര​വ് ല​ഭി​ച്ചി​ട്ടും ജോ​ലി​യി​ൽ പ്ര​വേ​ശി​ക്കാനാകാത്ത ഉദ്യോഗാർത്ഥികൾക്ക് സമയ പരിധി നീട്ടി നൽകി സർക്കാർ. സം​സ്ഥാ​ന​ത്തെ ലോ​ക്ക്ഡൗ​ണ്‍ കാ​ലാ​വ​ധി അ​വ​സാ​നി​ക്കു​ന്ന​തു​വ​രെ ജോ​ലി​യി​ൽ പ്ര​വേ​ശി​ക്കു​ന്ന​തി​ന് ഇ​വ​ർ​ക്കു സ​മ​യ​പ​രി​ധി നീ​ട്ടി ന​ൽ​കി​ ഉത്തരവിറക്കി. ലോ​ക്ക്ഡൗ​ണ്‍ കാ​ല​യ​ള​വി​ലോ അ​തി​ന് ഒ​രു മാ​സം മു​ന്പോ പി​എ​സ് സി​യി​ൽ​നി​ന്ന് അ​ഡ്വൈ​സ് മെ​മ്മോ ല​ഭി​ച്ച്, നി​യ​മ​നാ​ധി​കാ​രി​യി​ൽ​നി​ന്ന് നി​യ​മ​ന ഉ​ത്ത​ര​വ് ല​ഭി​ച്ചി​ട്ടും ജോ​ലി​യി​ൽ പ്ര​വേ​ശി​ക്കാ​ൻ സാ​ധി​ക്കാ​ത്ത ഉ​ദ്യോ​ഗാ​ർ​ഥി​ക​ൾ​ക്കാ​ണ് ആ​നു​കൂ​ല്യം ല​ഭി​ക്കു​ക.

അതേസമയം കേരളത്തിൽ ഇന്ന് വെള്ളിയാഴ്ച്ച ആശ്വാസ ദിനമാണ്, ഒരാൾക്ക് മാത്രം കോവിഡ്-19. കോഴിക്കോട് ജില്ലയിലുള്ളയാൾക്കാണ് രോഗം സ്ഥിരീകരിച്ചത്. സമ്പർക്കത്തിലൂടെയാണ് ഇയാൾക്ക് രോഗം വന്നത്. 10 പേര്‍ കൂടി ഇന്ന് രോഗമുക്തി നേടി, കാസര്‍ഗോഡ് ജില്ലയിലെ 6 പേരുടേയും എറണാകുളം ജില്ലയിലെ 2 പേരുടേയും ആലപ്പുഴ, മലപ്പുറം എന്നീ ജില്ലകളിലുള്ള ഓരോരുത്തരുടേയും പരിശോധനാഫലമാണ് നെഗറ്റീവായത്. 255 പേരാണ് ഇതുവരെ കോവിഡില്‍ നിന്നും സുഖം പ്രാപിച്ചത്. നിലവില്‍ 138 പേരാണ് സംസ്ഥാനത്തെ വിവിധ ആശുപത്രികളില്‍ ചികിത്സയിലുള്ളത്.

Also read : മിണ്ടാപ്രാണികളോട് വേണോ ഈ ക്രൂരത ?; ടിക് ടോക്കിൽ സ്റ്റാറാകാൻ ഉറങ്ങിക്കിടന്ന നായയെ കാലിൽ തൂക്കിയെറിയുന്ന ദാരുണദൃശ്യങ്ങൾ പുറത്ത്; യുവാവിനെ തിരഞ്ഞ് സോഷ്യൽ മീഡിയ

സംസ്ഥാനത്തെ വിവിധ ജില്ലകളിലായി 78,980 പേര്‍ നിരീക്ഷണത്തിലാണ്. ഇവരില്‍ 78,454 പേര്‍ വീടുകളിലും 526 പേര്‍ ആശുപത്രികളിലും നിരീക്ഷണത്തിലാണ്. 84 പേരെയാണ് ഇന്ന് ആശുപത്രിയില്‍ പ്രവേശിപ്പിച്ചത്. രോഗലക്ഷണങ്ങളുള്ള 18,029 വ്യക്തികളുടെ സാമ്പിള്‍ പരിശോധനയ്ക്ക് അയച്ചിട്ടുണ്ട്. ഇതില്‍ ലഭ്യമായ 17,279 സാമ്പിളുകളുടെ പരിശോധനാ ഫലം നെഗറ്റിവ് ആണ്