വീണ്ടും ഭൂചലനം: നാല് ദിവസത്തിനിടെ ഇത് ഏഴാം തവണ

ഷിംല•ഹിമാചല്‍ പ്രദേശിലെ ചമ്പ ജില്ലയില്‍ ഭൂചലനം. നാല് ദിവസത്തിനിടെ ജില്ലയില്‍ ഇത് നാലാംതവണയാണ് ഭൂചലനം അനുഭവപ്പെടുന്നത്. ഹിമാചൽ പ്രദേശിലെ ചമ്പ ജില്ലയിൽ തിങ്കളാഴ്ച 3.6 തീവ്രത രേഖപ്പെടുത്തിയ ഭൂചലനമുണ്ടായതായി കാലാവസ്ഥാ നിരീക്ഷണ കേന്ദ്രം അറിയിച്ചു. ജീവനോ സ്വത്തിനോ നാശനഷ്ടങ്ങൾ റിപ്പോർട്ട് ചെയ്തിട്ടില്ല. രാവിലെ 11.41 നാണ് ഭൂകമ്പം രേഖപ്പെടുത്തിയതെന്ന് ഷിംല കാലാവസ്ഥാ കേന്ദ്ര ഡയറക്ടർ മൻ‌മോഹൻ സിംഗ് പറഞ്ഞു.

ചമ്പ ജില്ലയിൽ നാല് ദിവസത്തിനുള്ളിൽ ഉണ്ടായ ഏഴാമത്തെ ഭൂകമ്പമാണിത്. ചമ്പയിൽ നിന്ന് 5 കിലോമീറ്റർ വടക്കുകിഴക്കായിട്ടാണ് ഭൂചലനത്തിന്റെ പ്രഭവകേന്ദ്രം. സമീപ പ്രദേശങ്ങളിലും നേരിയ ഭൂചലനം അനുഭവപ്പെട്ടുവെന്നും അദ്ദേഹം പറഞ്ഞു.

ഞായറാഴ്ച രാത്രി 11.47 ന് 4.5 തീവ്രത രേഖപ്പെടുത്തിയ ഭൂചലനം ചമ്പയെ നടുക്കി. അതിനുമുമ്പ്, വെള്ളിയാഴ്ച വൈകുന്നേരം 5.11 മുതൽ രാത്രി 8.43 വരെ 3 നും 4.3 നും ഇടയിൽ അഞ്ച് ഭൂചലനങ്ങൾ അനുഭവപ്പെട്ടു. ചമ്പ ഉൾപ്പെടെ ഹിമാചൽ പ്രദേശിന്റെ മിക്ക ഭാഗങ്ങളും ഉയർന്ന ഭൂകമ്പ സാധ്യതാ മേഖലയിലാണ് വരുന്നത്.