കുട്ടികളെ പിടുത്തക്കാര്‍ കൂടുന്നു ; അഞ്ചാം ക്ലാസ് വിദ്യാര്‍ത്ഥിനിയെ തട്ടിക്കൊണ്ടുപോകാന്‍ ശ്രമം

ഇടുക്കി : അഞ്ചാം ക്ലാസ് വിദ്യാര്‍ത്ഥിനിയെ തട്ടിക്കൊണ്ടുപോകാന്‍ ശ്രമം. സ്വകാര്യ സ്ഥാപനത്തില്‍ ജോലി നോക്കുന്ന മാതാവിനോടൊപ്പം ടൗണില്‍ പോയി പാല്‍ വങ്ങി മടങ്ങുന്നതിനിടെയാണ് കുട്ടിയെ കടന്നു പിടിച്ച് തട്ടിക്കൊണ്ടുപോകാന്‍ ശ്രമിച്ചത്. കുട്ടി ബഹളം വച്ചതോടെ ഇയാള്‍ ബൈക്കില്‍ രക്ഷപെട്ടു. തൊടുപുഴക്കു സമീപം കുടയത്തൂരില്‍ രാവിലെ 6.30ന് മുസ്ലിംപള്ളിക്കവലയ്ക്കു സമീപമാണ് സംഭവം. കുട്ടി കുതറി ഓടി രക്ഷപെടുകയായിരുന്നു. കുട്ടിയുടെ ശബ്ദം കേട്ട് ആളുകള്‍ ഓടിക്കൂടിയെങ്കിലും തട്ടുകൊണ്ടുപോകാനെത്തിയ ആളെ കണ്ടെത്താന്‍ സാധിച്ചില്ല.