ആ​റ്റു​കാ​ല്‍ പൊ​ങ്കാ​ല​ക്ക് ആ​ളു​ക​ള്‍ ഒ​ത്തു​കൂ​ടു​ന്ന​ത് കൊ​വി​ഡ് 19ന്‍റെ പ​ശ്ചാ​ത്ത​ല​ത്തി​ല്‍; ഇ​ന്ത്യ​ന്‍ മെ​ഡി​ക്ക​ല്‍ അ​സോ​സി​യേ​ഷ​ന്‍ പറഞ്ഞത്

തി​രു​വ​ന​ന്ത​പു​രം: പത്തനംതിട്ടയിൽ കൊ​വി​ഡ് 19 സ്ഥിരീകരിച്ച പ​ശ്ചാ​ത്ത​ല​ത്തി​ല്‍ ആ​റ്റു​കാ​ല്‍ പൊ​ങ്കാ​ല​ക്ക് ആ​ളു​ക​ള്‍ ഒ​ത്തു​കൂ​ടു​ന്നതിൽ ആശങ്കയറിച്ച് ഇ​ന്ത്യ​ന്‍ മെ​ഡി​ക്ക​ല്‍ അ​സോ​സി​യേ​ഷ​ന്‍ (ഐ​എം​എ). ഒ​രു​പാ​ട് ആ​ളു​ക​ള്‍ ഒ​ത്തു​കൂ​ടു​ന്ന ച​ട​ങ്ങാ​ണ്. നി​ല​വി​ലെ സാ​ഹ​ച​ര്യ​ത്തി​ല്‍ ഇ​ത് വ​ലി​യ ആ​ശ​ങ്ക ഉ​ണ്ടാ​ക്കു​ന്നു​ണ്ട്. ഗൗ​ര​വ​മു​ള്ള വി​ഷ​യ​മാ​യ​ത് കൊ​ണ്ട് ത​ന്നെ സ​ര്‍​ക്കാ​രി​നെ ആ​ശ​ങ്ക അ​റി​യി​ച്ചി​ട്ടു​ണ്ടെ​ന്നും ഐ​എം​എ അ​റി​യി​ച്ചു.

അ​തേ​സ​മ​യം, ആ​റ്റു​കാ​ല്‍ പൊ​ങ്കാ​ല​യോ​ട് അ​നു​ബ​ന്ധി​ച്ച്‌ മു​ന്‍​ക​രു​ത​ലെ​ല്ലാം ഊ​ര്‍​ജ്ജി​ത​മാ​ക്കി​യി​ട്ടു​ണ്ടെ​ന്നാ​ണ് ആ​രോ​ഗ്യ വ​കു​പ്പി​ന്‍റെ നി​ല​പാ​ട്. ആ​രോ​ഗ്യ പ്ര​വ​ര്‍​ത്ത​ക​രു​ടെ ക​ര്‍​ശ​ന നി​രീ​ക്ഷ​ണം ഉ​ണ്ടാ​കും.

രോ​ഗ ല​ക്ഷ​ണ​ങ്ങ​ള്‍ ഉ​ള്ള​വ​ര്‍ പൊ​ങ്കാ​ല​ക്ക് എ​ത്ത​രു​തെ​ന്ന് ആ​രോ​ഗ്യ​മ​ന്ത്രി​യും അ​ഭ്യ​ര്‍​ഥി​ച്ചി​ട്ടു​ണ്ട്. മെ​ഡി​ക്ക​ല്‍ സം​ഘ​വും ആ​രോ​ഗ്യ പ്ര​വ​ര്‍​ത്ത​ക​രും എ​ല്ലാം ആ​റ്റു​കാ​ലി​ല്‍ സ്ഥി​തി​ഗ​തി​ക​ള്‍ വി​ല​യി​രു​ത്താ​നു​ണ്ടാ​കും.

അതേസമയം, ജില്ലയില്‍ അഞ്ച് പേര്‍ക്ക് കൊറോണ വൈറസ് ബാധ സ്ഥിരീകരിച്ചതിന് പിന്നാലെ പത്തനംതിട്ട ജില്ല അതീവജാഗ്രതയില്‍ ആണ്. വനിതാദിന പരിപാടികളടക്കം ജില്ലയിലെ എല്ലാ പൊതുപരിപാടികളും റദ്ദാക്കിയതായും മതപരമായ കൂടിചേരലുകളും ഒഴിവാക്കണമെന്നും ജില്ലാകളക്ടര്‍ പിബി നൂഹ് അറിയിച്ചു.

ALSO READ: കൊറോണ : വ്യാജ സന്ദേശം പ്രചരിപ്പിച്ച യുവാവിനെതിരെ കേസ്

ഇറ്റലില്‍ നിന്നെത്തിയ മൂന്നംഗ കുടുംബത്തിനും ഇവരുടെ രണ്ട് ബന്ധുക്കള്‍ക്കുമാണ് കൊറോണ വൈറസ് ബാധ സ്ഥിരീകരിച്ചത്. വെനീസില്‍ നിന്നു ദോഹയിലേക്കും അവിടെ നിന്നും കൊച്ചിയിലേക്കും വിമാനത്തില്‍ സഞ്ചരിച്ച്‌ മാര്‍ച്ച്‌ ഒന്നിനാണ് പ്രവാസി കുടുംബം കോട്ടയത്ത് എത്തിയത്. കുടുംബം പിന്നീട് കോട്ടയം, കൊല്ലം ജില്ലകളിലും സഞ്ചരിച്ചതായി ആരോഗ്യവകുപ്പ് ഇപ്പോള്‍ കണ്ടെത്തിയിട്ടുണ്ട്.