ന്യൂഡല്‍ഹി: യെസ് ബാങ്കിൽ നിക്ഷേപിച്ചിട്ടുള്ള പണത്തെക്കുറിച്ച് നിക്ഷേപകരോട് കേന്ദ്ര ധന മന്ത്രി നിര്‍മ്മല സീതാരാമന് പറയാനുള്ളത് അവരുടെ പണം സുരക്ഷിതമായിരിക്കുമെന്നാണ്.യെസ് ബാങ്കിന്റെ പുനരുദ്ധാരണത്തിനായി പദ്ധതി തയാറാക്കാനുള്ള ശ്രമത്തിലാണ് റിസര്‍വ് ബാങ്ക്.
സര്‍ക്കാറും ആര്‍.ബി.ഐയും യെസ് ബാങ്കിലുണ്ടായ പ്രതിസന്ധി പരിഹരിക്കാനുള്ള ശ്രമത്തിലാണ്. യെസ് ബാങ്കിലെ നിക്ഷേപകര്‍ക്ക് പണം നഷ്ടമാവില്ലെന്ന് ആര്‍.ബി.ഐ ഉറപ്പ് നല്‍കിയിട്ടുണ്ടെന്ന് നിര്‍മ്മല പറഞ്ഞു. എല്ലാവരുടെയും താല്‍പര്യം സംരക്ഷിച്ച്‌ ഒരു പരിഹാരമുണ്ടാക്കാനുള്ള ശ്രമമാണ് നടക്കുന്നത്. മാസങ്ങളായി താന്‍ യെസ് ബാങ്കിലെ പ്രതിസന്ധി നിരീക്ഷിക്കുകയാണെന്നും നിര്‍മ്മല പറഞ്ഞു.
ALSO READ: രാജ്യത്ത് സൈനിക ഉദ്യോഗസ്ഥര്‍ക്ക് കേന്ദ്രപ്രതിരോധ മന്ത്രാലയത്തിന്റെ ജാഗ്രതാ നിര്‍ദേശം
നേരത്തെ യെസ് ബാങ്കില്‍ നിന്ന് പണം പിന്‍വലിക്കുന്നതിന് ആര്‍.ബി.ഐ നിയന്ത്രണം ഏര്‍പ്പെടുത്തിയിരുന്നു. പരമാവധി പിന്‍വലിക്കാവുന്ന തുക 50,000 രൂപയായാണ് ആര്‍.ബി.ഐ നിജപ്പെടുത്തിയത്.
Post Your Comments